Azər – Rize Gün Gazetesi

Edinburq şəhərində Azərbaycanın parlaq Zəfərini tərənnüm edən poeziya gecəsi təşkil edilib

Abdullah Yiğit — Sat, 11 Nov 2023 09:13:20 +0000

, 2023

Edinburq şəhərində Azərbaycanın parlaq Zəfərini tərənnüm edən poeziya gecəsi təşkil edilib
Şotlandiyanın Edinburq şəhərində Azərbaycanın Zəfər Gününə həsr olunmuş poeziya gecəsi keçirilib.

Diasporla İş üzrə Dövlət Komitəsinin dəstəyi və “Buta” Azərbaycan-Şotlandiya Assosiasiyasının təşkilatçılığı ilə Edinburq Poeziya Kitabxanasında baş tutan tədbirdə Şotlandiyanın yerli ictimaiyyətinin, əcnəbi xalqların nümayəndələri, elm-mədəniyyət xadimləri, Azərbaycan diasporunun üzvləri və tələbələr iştirak ediblər. Qonaqlar arasında Edinburq Poeziya Kitabxanasının rəhbəri Asif Xan və Şotlandiya şairəsi Şila Smit də olub.

Tədbir iştirakçılarını salamlayan “Buta” Azərbaycan-Şotlandiya Assosiasiyasının sədri Nərgiz Morrison 8 Noyabr – Zəfər Günü münasibəilə soydaşlarımızı təbrik edib, bu mühüm hadisəni Azərbaycan şairlərinin poeziyası ilə qeyd etmək istədiklərindən danışıb.

“Caspian Circle” təşkilatının yaradıcısı Fuad Ələkbərov isə Azərbaycan irsinin təbliğində və ədəbiyyata marağının artmasında bu cür tədbirlərin əhəmiyyətini vurğulayıb.

Zəfər Gününə həsr olunmuş tədbirdə Bəxtiyar Vahabzadə, Cabir Novruz, Məmməd Araz kimi Azərbaycan şairlərinin şeirləri səslənib.

Tədbir çərçivəsində kitabxana rəhbərliyinə görkəmli Azərbaycan şairləri və mütəfəkkirləri Nizami Gəncəvi, Məhsəti Gəncəvi, İmadəddin Nəsimi və Səməd Vurğunun kitabları təqdim olunub.

Tədbir Azərbaycan musiqisinin səsləndirilməsi ilə davam edib.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/edinburq-seherinde-azerbaycanin-parlaq-zeferini-terennum-eden-poeziya-gecesi-teskil-edilib-3789

İlham Əliyev “Laçın” şəhər yarımstansiyasının açılışını edib

Abdullah Yiğit — Tue, 30 May 2023 13:37:58 +0000

İlham Əliyev “Laçın” şəhər yarımstansiyasının açılışını edib

2023,

İlham Əliyev “Laçın” şəhər yarımstansiyasının açılışını edib

Azərbaycan Respublikasının Prezidenti İlham Əliyev mayın 27-də “AzərEnerji” Açıq Səhmdar Cəmiyyətinin 110/35/10 kv-luq “Laçın” şəhər yarımstansiyasının açılışında iştirak edib.

Dövlətimizin başçısına yarımstansiya barədə məlumat verildi.

Bildirildi ki, Laçın şəhərinin və ətraf kəndlərin Azərbaycanın ümumi enerjisisteminə qoşulması, dayanıqlı və fasiləsiz elektrik enerjisi ilə təchiz edilməsi üçün şəhərin cənub girişində tikilən 110/35/10 kV-luq “Laçın” şəhər yarımstansiyası rəqəmsal qaydada ən müasir texnologiyalardan istifadə olunmaqla ərsəyə gətirilib. Paralel olaraq, Laçın şəhərinə “Qubadlı” yarımstansiyasından başlayaraq və “Güləbird” Su Elektrik Stansiyasından keçməklə ümumilikdə 40 kilometr məsafədə 110 kV-luq ötürmə xətti çəkilib.

İşğaldan azad edilən ərazilərdə indiyədək “AzərEnerji” ASC tərəfindən 11 yerdə tikilən 110 kV-luq yarımstansiyalardan “Laçın” şəhər yarımstansiyasının xüsusi fərqi ondan ibarətdir ki, bu yarımstansiya həm də işğaldan azad olunan ərazilərin qovşaq yarımstansiyası funksiyasını daşıyacaq. Belə ki, yeni istifadəyə verilən 330 kV-luq “Cəbrayıl” Enerji Qovşağından və Füzulidəki “Şükürbəyli” yarımstansiyasından çıxaraq 110 kV-luq “Cəbrayıl”, “Zəngilan”, “Qubadlı” yarımstansiyaları, oradan isə “Güləbird” Su Elektrik Stansiyası ilə əlaqələnən 110 kV-luq xətt artıq “Laçın” şəhər yarımstansiyasına birləşdirilib.

Digər istiqamətdən “Daşkəsən”, “Kəlbəcər” və “Qorçu” yarımstansiyalarına, o cümlədən “Şükürbəyli” yarımstansiyasından “Füzuli” və “Şuşa” yarımstansiyalarına çəkilmiş mövcud 110 kV-luq ikidövrəli xətlər də gələcəkdə “Laçın” qovşaq yarımstansiyası ilə əlaqələndiriləcək. Bununla da Qarabağın və Şərqi Zəngəzurun 110 kV-luq ikidövrəli xətlərinin dairəvi elektrik təchizatı yaradılacaq və hansısa xətdə qəza baş versə belə, enerji təchizatında fasiləsizlik təmin ediləcək.

Prezident İlham Əliyev yarımstansiyanı işə saldı.

Məlumat verildi ki, strateji əhəmiyyətli “Laçın” şəhər yarımstansiyasında ən müasir avadanlıqlardan ibarət 110 kV-luq açıq paylayıcı qurğu və rəqəmsal idarəetmə mərkəzi tikilib. 35 kV-luq və 10 kV-luq qapalı paylayıcı qurğularla təchiz olunmuş İdarəetmə Mərkəzində yaradılan SCADA dispetçer idarəetmə sistemi rəqəmsal qaydada enerjisistemin mərkəzi SCADA sisteminə inteqrasiya olunub. Bunun üçün informasiya mübadiləsi və aktivlərin onlayn müşahidəsinə imkan verən fiberoptik şəbəkə yaradılıb. Eyni zamanda, yarımstansiyada yanğın və partlayışa qarşı SERJİ sistemi qurulub.

Yarımstansiya ərazisində əməkdaşlar üçün xüsusi yataqxana korpusu tikilib.

Qeyd edək ki, dövlətimizin başçısının Böyük Qayıdış strategiyasına uyğun olaraq işğaldan azad edilən ərazilərdə “AzərEnerji” tərəfindən tikilən bütün stansiya və yarımstansiyalarda əməkdaşlar yerli kadrlardan seçilir, onların işlə təminatı və məskunlaşmaları üçün digər zəruri tədbirlər görülür.

Prezident İlham Əliyev yolüstü balıq istehsalı müəssisəsinə də baxdı.

Böyük ölçüdə şəkillər
BÜTÜN YAZILAR
XƏBƏRLƏR
SƏNƏDLƏR
VİDEOLAR
ŞƏKİLLƏR

kaynak:https://president.az/az/articles/view/60018