Elsevər Məmmədov – Rize Gün Gazetesi https://rizegungazetesi.com Tue, 07 Mar 2023 20:00:49 +0000 tr hourly 1 https://rizegungazetesi.com/wp-content/uploads/2025/03/cropped-rize-gun-32x32.webp Elsevər Məmmədov – Rize Gün Gazetesi https://rizegungazetesi.com 32 32 Rotterdamda “Natəvan” poeziya klubu təsis edilib https://rizegungazetesi.com/rotterdamda-nat%c9%99van-poeziya-klubu-t%c9%99sis-edilib-h41849.html Tue, 07 Mar 2023 20:00:49 +0000 https://1453kralmedya.com/rotterdamda-nat%c9%99van-poeziya-klubu-t%c9%99sis-edilib-h41849.html

 

 

 

 

Rotterdamda “Natəvan” poeziya klubu təsis edilib
7 mart, 2023
Rotterdamda “Natəvan” poeziya klubu təsis edilib

Niderland Krallığında fəaliyyət göstərən Benilüks Azərbaycanlıları Konqresi nəzdində “Natəvan” poeziya klubu təsis edilib.

Rotterdam şəhərində yerləşən “Qarabağ” idman klubunda baş tutan tədbirdə Azərbaycan icmasının fəal üzvləri və qonaqlar iştirak ediblər.

Tədbir iştirakçılarını salamlayan Benilüks Azərbaycanlıları Konqresinin sədri Elsevər Məmmədov bu maraqlı layihənin başlanması münasibətilə xanımları təbrik edib. Bildirib ki, bu yaxınlarda Benilüks Azərbaycanlıları Konqresinin fəal üzvü, publusist-şair Yasəmən Əkbərovanın Azərbaycanın Milli Qəhrəmanı, general-mayor Polad Həşimova ithaf olunmuş “Əfsanəvi General” kitabı Bakıda işıq üzü görüb. Sonra diaspor təşkilatının sədri poemadan parçalar oxuyub.

Tədbirdə çıxış edən “Natəvan” poeziya klubunun təsisçisi, Benilüks Azərbaycanlıları Konqresinin sədr müavini Sima Cəfərova layihə barədə ətraflı məlumat verib. Qeyd edib ki, layihə Niderlandda yaşayan yaradıcılıq qabiliyyəti olan xanımların bir araya gəlməsi və istedadlarını nümayiş etdirməsi məqsədilə həyata keçirilir.

Sonra Sima Cəfərova, diaspor fəalı Nərminə Cəfərova, Azərbaycan Yazıçılar Birliyinin üzvü Azadə Novruzova, internet bağlantısı ilə Bakıdan tədbirə qoşulan AMEA Nizami Gəncəvi adına Ədəbiyyat İnstitutunun “Türk xalqları ədəbiyyatı” şöbəsinin böyük elmi işçisi, filologiya üzrə fəlsəfə doktoru Fəridə Hicran öz şeirlərini təqdim ediblər. Nərminə Cəfərovanın şəhid həyat yoldaşına ithaf etdiyi şeir tədbir iştirakçılarını duyğulandırıb.

Qeyd edək ki, Xurşudbanu Natəvanın nəslinin davamçılarından biri olan, şairə, publisist, I Qarabağ müharibəsi qazisi Fəridə Hicranın “Xan qızı Natəvan” pyesi Haaqa şəhərindəki “An Hat Spui” teatrında Niderland dilində səhnələşdirilib. Onun müəllifi olduğu məşhur “Qarabağda talan var” kitabı Haaqa Ədalət Məhkəməsinin kitabxanasına təqdim olunub.

FOTO QALEREYA

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/rotterdamda-natevan-poeziya-klubu-tesis-edilib-2565

 

 

]]> Rotterdamda Türkiyə və Cənubi Azərbaycandakı zəlzələ qurbanlarının xatirəsi yad edilib https://rizegungazetesi.com/rotterdamda-turkiy%c9%99-v%c9%99-c%c9%99nubi-az%c9%99rbaycandaki-z%c9%99lz%c9%99l%c9%99-qurbanlarinin-xatir%c9%99si-yad-edilib-h40838.html Tue, 14 Feb 2023 18:38:10 +0000 https://1453kralmedya.com/rotterdamda-turkiy%c9%99-v%c9%99-c%c9%99nubi-az%c9%99rbaycandaki-z%c9%99lz%c9%99l%c9%99-qurbanlarinin-xatir%c9%99si-yad-edilib-h40838.html

 

 

 

Rotterdamda Türkiyə və Cənubi Azərbaycandakı zəlzələ qurbanlarının xatirəsi yad edilib
, 2023
Rotterdamda Türkiyə və Cənubi Azərbaycandakı zəlzələ qurbanlarının xatirəsi yad edilib
Niderlandın Rotterdam şəhərində Türkiyə və Cənubi Azərbaycanda baş vermiş dağıdıcı zəlzələ nəticəsində həyatlarını itirmiş insanların anım mərasimi keçirilib.

Benilüks Azərbaycanlıları Konqresinin təşkilatçılığı ilə “Qarabağ” idman klubunda baş tutan mərasimdə önzə zəlzələ qurbanlarının xatirəsi ehtiramla yad edilib.

Tədbirdə çıxış edən Benilüks Azərbaycanlıları Konqresinin sədri Elsevər Məmmədov bu dəhşətli təbii fəlakətin Azərbaycan xalqında və dünya azərbaycanlılarında böyük sarsıntı və kədər doğurduğunu, zəlzələnin ilk saatlarından dövlətimizin və xalqımızın qardaş Türkiyənin köməyinə çatmağa çalışdığını, uşaqdan böyüyədək hər bir soydaşımızın zəlzələnin fəsadlarının aradan qaldırılması naminə əlindən gələni etdiyini vurğulayıb.

Türk icmasının üzvləri Azərbaycan dövlətinə və xalqına göstərdiyi yardıma görə minnətdarlıqlarını və ehtiramlarını bildiriblər.

Sonra Niderland Türk Federasiyasının nəzdində fəaliyyət göstərən “Versaar-Turk İslam” Mədəniyyət Mərkəzinin dini xadimi Ensar Kalemli zəlzələ qurbanlarının ruhuna dualar oxuyub.

Mərasimdə “Ana Vətən” Avropa Azərbaycanlı Qadınları Birliyinin, “Beynəlxalq Azərbaycanlı Xanımlar Klubu”nun üzvləri və Rotterdamda yaşayan soydaşlarımız iştirak ediblər.

FOTO QALEREYA

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/rotterdamda-turkiye-ve-cenubi-azerbaycandaki-zelzele-qurbanlarinin-xatiresi-yad-edilib-2375

 

 

 

]]> Rotterdam şəhərində 20 Yanvar şəhidlərinin xatirəsi yad edilib https://rizegungazetesi.com/rotterdam-s%c9%99h%c9%99rind%c9%99-20-yanvar-s%c9%99hidl%c9%99rinin-xatir%c9%99si-yad-edilib-h39853.html Thu, 19 Jan 2023 20:00:38 +0000 https://1453kralmedya.com/rotterdam-s%c9%99h%c9%99rind%c9%99-20-yanvar-s%c9%99hidl%c9%99rinin-xatir%c9%99si-yad-edilib-h39853.html

 

 

 

Rotterdam şəhərində 20 Yanvar şəhidlərinin xatirəsi yad edilib

2023

Rotterdam şəhərində 20 Yanvar şəhidlərinin xatirəsi yad edilib

Niderland Krallığının Rotterdam şəhərində 20 Yanvar faciəsinin 33-cü ildönümü ilə əlaqədar anım tədbiri keçirilib.

Benilüks Azərbaycanlıları Konqresinin (BAK) təşkilatçılığı ilə “Qarabağ” idman klubunun ofisində baş tutan tədbirdə öncə 20 Yanvar şəhidlərinin əziz xatirəsi ehtiramla yad edilib.

Tədbiri giriş sözü ilə açan Benilüks Azərbaycanlıları Konqresinin sədri Elsevər Məmmədov bildirib ki, 1990-cı il yanvarın 19-dan 20-nə keçən gecə Azərbaycan xalqına qarşı ən qəddar hərbi cinayətlərdən biri baş verib. Mixail Qorbaçovun başçılığı ilə sovet rejimi Qarabağ münaqişəsinin ədalətli həllini və Azərbaycanın müstəqilliyini tələb edən dinc əhalidən qisas almaq məqsədilə Bakıda əsl qətliam törədib, Gəncə şəhərində və digər regionlarda mülki insanların ölümünə səbəb olan cinayətlərə yol verib.

Tədbirdə BAK-ın sədr müavini Sima Cəfərova, BAK-ın Cənubi Azərbaycan üzrə nümayəndəsi Araz Ataxan, diaspor fəlları Zərifə Süleymanova, Oqtay Tatlızadə, Əli Toptaş və başqaları çıxış ediblər. Bildirilib ki, həmin gecə milli mənafelərin müdafiəsi naminə canlarından keçmiş Vətən övladları misilsiz fədakarlıqları ilə xalqımızın qəhrəmanlıq salnaməsinin yeni parlaq səhifəsini yazıblar. Qanlı cinayətin xalqımızın milli azadlıq mübarizəsini dayandıra bilmədiyi, Azərbaycanın dövlət müstəqilliyini bərpa etdiyi, 20 Yanvar şəhidlərinin qəhrəmanlığının hər zaman azərbaycanlı gənclər üçün örnək olduğu vurğulanıb.

Qeyd edilib ki, artıq iki ildir müasir Azərbaycan dövlətinin qurucusu Heydər Əliyevin, ölkəmizin müstəqilliyi və ərazi bütövlüyü uğrunda canlarından keçmiş bütün şəhidlərin ruhu şaddır. Çünki Prezident, Müzəffər Ali Baş Komandan İlham Əliyevin qətiyyətli rəhbərliyi ilə qəhrəman ordumuz torpaqlarımızı erməni işğalından azad edib, Qarabağda yenidən Azərbaycanın dövlət bayrağının ucaldılmasına nail olub.

FOTO QALEREYA

dostların arasında bunu ilk tövsiyyə edən sən ol

 

DIGƏR XƏBƏRLƏR

 

kaynak:http://diaspor.gov.az/az/news-detail/rotterdam-seherinde-20-yanvar-sehidlerinin-xatiresi-yad-edilib-2192

 

 

]]> Rotterdamda Həmrəylik Günü qeyd edilib https://rizegungazetesi.com/rotterdamda-h%c9%99mr%c9%99ylik-gunu-qeyd-edilib-h39079.html Fri, 30 Dec 2022 06:37:54 +0000 https://1453kralmedya.com/rotterdamda-h%c9%99mr%c9%99ylik-gunu-qeyd-edilib-h39079.html

 

 

 

Rotterdamda Həmrəylik Günü qeyd edilib

2022

Rotterdamda Həmrəylik Günü qeyd edilib

Niderlandın Rotterdam şəhərində 31 dekabr – Dünya Azərbaycanlılarının Həmrəylik Günü və Yeni il münasibətilə tədbir keçirilib.

Benilüks Azərbaycanlıları Konqresinin nəzdində fəaliyyət göstərən “Qarabağ” idman klubunun ofisində baş tutan tədbir Azərbaycanın Dövlət Himninin səsləndirilməsi, ölkəmizin azadlığı və ərazi bütövlüyü uğrunda canlarından keçmiş şəhidlərimizin əziz xatirəsinin yad edilməsi ilə başlayıb.

Tədbiri giriş sözü ilə açan Benilüks Azərbaycanlıları Konqresinin (BAK) sədri Elsevər Məmmədov bayram münasibətilə soydaşlarımızı təbrik edib, Həmrəylik Gününün tarixindən və dünya azərbaycanlıları üçün əhəmiyyətindən danışıb.

Tədbirdə Ana Vətən Avropa Azərbaycanlı Qadınları Birliyinin rəhbəri Mayisə Ağamirzəyeva, Niderland-Azərbaycan Odlar Yurdu Cəmiyyətinin rəhbəri Frəngiz Bağırova və başqaları çıxış edərək soydaşlarımızın mütəşəkkil qüvvəyə çevrilməsində həmrəylik gününün güclü təsirindən bəhs ediblər.

BAK-ın tərkibində yeni yaranmış Güney Azərbaycanlıları nümayəndəliyinin başçısı Araz Ataxan diqqəti Arazın o biri tayında baş verən hadisələrə yönəldərək, dünya azərbaycanlılarını cənublu qardaş və bacılarımızı dəstəkləməyə çağırıb.

Tədbirə qonaq qismində dəvət olunmuş Media Araşdırmaçılar və Monitorinq Mərkəzinin, eləcə də “Reaksiya” internet televiziyasının rəhbəri Zaur Qəriboğlu Niderlandda fəaliyyət göstərən diaspor təşkilatlarının fəallığını xüsusi qeyd edib, diaspor təşkilatlarının rəhbərlərinə təşəkkür plaketləri təqdim edib. Elsevər Məmmədov isə “Qarabağ” idman klubuna məxsus formanı jurnalistə hədiyyə edib.

Tədbir Haarlem “Körpə Fidanlar” musiqili teatr qrupunun və Rotterdam həftəsonu Azərbaycan məktəbinin şagirdlərinin konsert proqramı ilə davam edib.

Tədbir iştirakçıları “Körpə Fidanlar”ın bədii rəhbəri Sima Cəfərovaya, müəllimi Nigar Cəfərovaya, həftəsonu Azərbaycan məktəbinin rəhbəri Zərifə Süleymanovaya hazırladıqları konsert proqramına görə minnətdarlıq bildiriblər, balaca iştirakçılara hədiyyələr təqdim olunub.

FOTO QALEREYA

 

 

dostların arasında bunu ilk tövsiyyə edən sən ol

 

kaynak:http://diaspor.gov.az/az/news-detail/rotterdamda-hemreylik-gunu-qeyd-edilib-2134

 

 

]]>