festivalında – Rize Gün Gazetesi https://rizegungazetesi.com Thu, 09 Oct 2025 10:47:43 +0000 tr hourly 1 https://rizegungazetesi.com/wp-content/uploads/2025/03/cropped-rize-gun-32x32.webp festivalında – Rize Gün Gazetesi https://rizegungazetesi.com 32 32 Milli irsimiz Fayetvil festivalında https://rizegungazetesi.com/milli-irsimiz-fayetvil-festivalinda-h69450.html https://rizegungazetesi.com/milli-irsimiz-fayetvil-festivalinda-h69450.html#respond Thu, 09 Oct 2025 10:47:43 +0000 https://gazetegazetesi.com/milli-irsimiz-fayetvil-festivalinda-h78108.html Milli irsimiz Fayetvil festivalında

2025

Milli irsimiz Fayetvil festivalında

Azərbaycan Şimali Karolina ştatının Fayetvil şəhərində keçirilən “47-ci Ənənəvi Beynəlxalq Xalqlar Festivalı”nda təmsil olunub. Ştatda fəaliyyət göstərən Azərbaycan Dostluq Təşkilatının rəhbəri Adika İqbalın təşəbbüsü və təşkilatçılığı ilə keçirilən təqdimat zamanı Azərbaycan mədəniyyəti və milli irsi geniş auditoriyaya tanıdılıb.

 

https://x.com/DiasporaAz/status/1975923834495672350

 

 

Tədbirdə ştatda yaşayan Azərbaycan icmasının üzvləri fəal iştirak ediblər. Festival çərçivəsində nümayiş olunan Azərbaycan milli geyimləri, səhnə çıxışları və ənənəvi musiqilər ziyarətçilərin böyük marağı ilə qarşılanıb.

 

https://x.com/DiasporaAz/status/1975923834495672350

 

Festivalın ən yaddaqalan məqamlarından biri ABŞ-də fəaliyyət göstərən Cənubi Azərbaycanlı mədəniyyət xadimi Lalə Bağırzadənin rəqsi olub. Onun rəqs bacarıqları Azərbaycan mədəniyyətinin incəliyini və estetik gücünü səhnəyə daşıyıb. Bundan əlavə, təşkilat üzvlərinin ifasında təqdim olunan “Yallı” rəqsi tamaşaçılarda böyük coşğu yaradıb. Rəngarəng milli geyimlər və ritmik hərəkətlər Azərbaycan mədəniyyətinin zənginliyini və birliyini nümayiş etdirib.

 

https://x.com/DiasporaAz/status/1975923834495672350

 

Azərbaycan Dostluq Təşkilatının rəhbərliyi bildirib ki, festivalda iştirakın əsas məqsədi Azərbaycan mədəniyyətini tanıtmaq, xalqlar arasında dostluq körpüləri qurmaq və icma üzvləri arasında həmrəyliyi gücləndirməkdir. “Biz mədəniyyətimizi, ənənələrimizi və sevincimizi yerli icma ilə bölüşməkdən qürur duyuruq,” – deyə təşkilatın nümayəndələri qeyd ediblər.

Azərbaycan Dostluq Təşkilatı uzun illərdir ABŞ-də Azərbaycanı tanıtmaq və mədəni irsimizi yaşatmaq məqsədilə müxtəlif layihələr həyata keçirir.

Qeyd edək ki, “Ənənəvi Beynəlxalq Xalqlar Festivalı” hər il müxtəlif xalqların mədəniyyətlərini bir araya gətirən, dostluq və mədəni müxtəlifliyi təşviq edən tədbirlərdən biridir.

Foto qalereya

 

https://x.com/DiasporaAz/status/1975923834495672350

 

dostların arasında bunu ilk tövsiyyə edən sən ol

Digər xəbərlər

kaynak:https://diaspor.gov.az/az/news-detail/milli-irsimiz-fayetvil-festivalinda-6191

 

 

https://x.com/DiasporaAz/status/1975923834495672350

]]> https://rizegungazetesi.com/milli-irsimiz-fayetvil-festivalinda-h69450.html/feed 0 Azərbaycan Moskvada keçirilən ənənəvi mədəniyyət festivalında təmsil olunub https://rizegungazetesi.com/az%c9%99rbaycan-moskvada-keciril%c9%99n-%c9%99n%c9%99n%c9%99vi-m%c9%99d%c9%99niyy%c9%99t-festivalinda-t%c9%99msil-olunub-h49958.html Wed, 27 Sep 2023 18:01:56 +0000 https://1453kralmedya.com/az%c9%99rbaycan-moskvada-keciril%c9%99n-%c9%99n%c9%99n%c9%99vi-m%c9%99d%c9%99niyy%c9%99t-festivalinda-t%c9%99msil-olunub-h49958.html

 

 

 

 

Azərbaycan Moskvada keçirilən ənənəvi mədəniyyət festivalında təmsil olunub
27 sentyabr, 2023

Azərbaycan Moskvada keçirilən ənənəvi mədəniyyət festivalında təmsil olunub

 

 

Rusiyanın Moskva vilayətinin Mıtişi şəhərində keçirilmiş 8-ci Moskva Regional Milli Mədəniyyətlər Festivalında Azərbaycan diasporu uğurla iştirak edib.

 

 

 

“Moskva vilayəti – dostluq ərazisi” adlı festival vilayətin İnformasiya və Sosial Rabitə Nazirliyinin və Mıtişçi şəhər dairəsi administrasiyasının birgə dəstəyi ilə təşkil olunub.

 

 

 

Moskva vilayəti Azərbaycanlılarının Regional Milli-Mədəni Muxtariyyətinin təşkilatçılığı ilə “Yauza” Mədəniyyət Evi qarşısında qurulmuş Azərbaycan stendində xalqımızın zəngin mədəni irsini, adət-ənənələrini, milli mətbəxini, milli dekorativ-tətbiqi sənətini əks etdirən nümunələr nümayiş etdirilib. Azərbaycan bayraqlarının əhatəsində milli rəqslərimiz təqdim edilib.

 

 

 

Tədbirdə çıxış edən Moskva vilayəti Azərbaycanlılarının Regional Milli-Mədəni Muxtariyyəti İdarə Heyətinin sədri Elşən İbrahimov xalqımızın adət-ənənələrini, mədəniyyətini və mətbəxini nümayiş etdirmək imkanı yaratdığına görə Moskva vilayəti hökumətinə təşəkkür edib. “İcmamızın Rusiya cəmiyyətinə inteqrasiya etməklə yanaşı, öz milli kimliyini qoruyub saxlaması vacibdir”, – deyə bildirib.

Azərbaycan guşəsinə maraq göstərən yerli sakinlərə ölkəmiz barədə ətraflı məlumat verilib və suallar cavablandırılıb. Ziyarətçilər Azərbaycan mətbəxinin təamlarına və şirniyyatlarına qonaq ediliblər.

FOTO QALEREYA

 

 

 

 

 

dostların arasında bunu ilk tövsiyyə edən sən ol
DIGƏR XƏBƏRLƏR

kaynak:https://diaspor.gov.az/az/news-detail/azerbaycan-moskvada-kecirilen-enenevi-medeniyyet-festivalinda-temsil-olunub-3576

 

 

 

 

]]> İsveçrədəki icmamız “Lauz’One” multikultural festivalında iştirak edib https://rizegungazetesi.com/isvecr%c9%99d%c9%99ki-icmamiz-lauzone-multikultural-festivalinda-istirak-edib-h49744.html Thu, 21 Sep 2023 08:36:14 +0000 https://1453kralmedya.com/isvecr%c9%99d%c9%99ki-icmamiz-lauzone-multikultural-festivalinda-istirak-edib-h49744.html

 

 

 

 

İsveçrədəki icmamız “Lauz’One” multikultural festivalında iştirak edib

, 2023

 

 

 

 

İsveçrədəki icmamız “Lauz’One” multikultural festivalında iştirak edib

 

 

 

 

İsveçrə Konfederasiyasının Lozanna şəhərində keçirilmiş ənənəvi “Lauz’One” multikultural festivalında Azərbaycan təmsil olunub.

 

 

 

 

Festivaldakı Azərbaycan stendi Cenevrədə fəaliyyət göstərən, Azərbaycanın zəngin mədəni irsinin təbliği ilə məşğul olan “L’Heritage” Azərbaycan Mədəniyyət Assosiasiyasının təşəbbüsü ilə yaradılıb. Maraqlı kulinariya təcrübələrinin sərgiləndiyi festivalda Serbiya, Kolumbiya, Monqolustan, Eritreya və digər ölkələrin özəl təamları ilə bir cərgədə Azərbaycanın milli yeməkləri və incə zövqlə hazırlanmış desertləri “PHS Group”un təqdimatında nümayiş olunub.

 

 

 

 

 

2011-ci ildən “L’Heritage” Azərbaycan Mədəniyyət Assosiasiyasında Azərbaycan rəqslərinin tədrisi ilə məşğul olan Azərbaycan diasporunun fəal üzvü Mariya Xan-Xoyskaya Martignolinin təqdim etdiyi “Sarı gəlin” və “Yüz biri” kompozisiyaları çoxsaylı tamaşaçı alqışları ilə qarşılanıb.

Festivalın iştirakçıları, fəxri qonaqları, diplomatik heyət və yerli sakinlər azərbaycanlıların performanslarını yüksək dəyərləndirib, mətbəx sənətinin bir mədəniyyət haqqında dolğun təəssürat yaratdığını xüsusi vurğulayıblar.

 

 

 

 

Qeyd edək ki, Lozanna festivalının əlvan rənglərinə Azərbaycanın bənzərsiz və təkrarolunmaz çalarlarını qatan “L’Heritage” Mədəniyyət Assosiasiyasının layihələrinin əhatə dairəsi getdikcə genişlənməkdədir. Azərbaycanın milli, klassik və müasir musiqisini, istedadlı imzalarını, sənətkarlarını dünyaya tanıtmaq məqsədi ilə keçirilən konsertlərin, sərgilərin təşkilində əsas hədəf – son illər diqqət mərkəzində olan Cənubi Qafqazın qüdrətli ölkəsi haqqında dürüst informasiya yaymaq, sülhsevər, tolerant, milli və dünyəvi dəyərlərə söykənən bir xalqla bağlı dolğun fikir formalaşdırmaqdır.

 

 

 

 

Assosiasiyanın təmsilçiləri eyni məqsədə köklənmiş tədbirlərin dünya və Azərbaycan arasında etibarlı körpü yaradacağına, xaricdə yaşayan azərbaycanlılar arasında birliyin möhkəmlənməsinə xidmət edəcəyinə əmindirlər.

FOTO QALEREYA

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/isvecredeki-icmamiz-lauz-039-one-multikultural-festivalinda-istirak-edib-3468

 

 

 

]]> İcmamız Monreal şəhərindəki mədəniyyət festivalında uğurla iştirak edib https://rizegungazetesi.com/icmamiz-monreal-s%c9%99h%c9%99rind%c9%99ki-m%c9%99d%c9%99niyy%c9%99t-festivalinda-ugurla-istirak-edib-h48884.html Fri, 25 Aug 2023 16:35:54 +0000 https://1453kralmedya.com/icmamiz-monreal-s%c9%99h%c9%99rind%c9%99ki-m%c9%99d%c9%99niyy%c9%99t-festivalinda-ugurla-istirak-edib-h48884.html

 

 

 

İcmamız Monreal şəhərindəki mədəniyyət festivalında uğurla iştirak edib
, 2023

 

 

 

 

İcmamız Monreal şəhərindəki mədəniyyət festivalında uğurla iştirak edib

 

 

 

Kanadanın Kvebek əyalətində fəaliyyət göstərən Monreal Kanada-Azərbaycan Cəmiyyəti liman şəhəri olan Monrealda keçirilən məşhur “Orientalys – 2023” festivalında ölkəmizi təmsil edib.

Şəhərin “Vieux Port” (Old Port) ərazisində baş tutan 4 günlük ənənəvi festivalda müxtəlif ölkələri təmsil edən icmalar Şərq və Qərb mədəniyyətlərini əks etdirən şou proqramlar, ustad dərsləri, sərgilər və tədbirlər təşkil ediblər.

 

 

 

 

Monreal Kanada-Azərbaycan Cəmiyyətinin sədri Rəna Müslümovanın rəhbərliyi ilə yaradılmış Azərbaycan pavilyonunda ölkəmizin tarixini, mədəniyyətini, adət-ənənələrini əks etdirən xəritələr, fotomateriallar, xalçalar, milli geyimlər və digər nümunələr təqdim edilib.

 

 

 

Azərbaycan güşəsini ziyarət edən yerli sakinlərə əsrarəngiz ölkəmizə vizual səyahət etmək imkanı yaradılıb. İcma fəalları, eləcə də Monrealda təhsil alan Leyla Əhmədzadə, Julide Kuzutürk, Mübariz Əliyev kanadalılara xalqımızın qədim tarixi, zəngin mədəniyyəti, adət-ənənələri, milli mətbəxi, ölkəmizin çoğrafiyası, turizm potensialı barədə ətraflı məlumat veriblər və sualları cavablandırıblar. Milli geyimli icma fəallarımız Azərbaycan musiqisi sədaları altında rəqslərimizi nümayiş etdiriblər.

Azərbaycanın tarixi-mədəni irsi, əsrarəngiz təbiəti, milli geyimləri ziyarətçilərin böyük marağına səbəb olub.

FOTO QALEREYA

 

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/icmamiz-monreal-seherindeki-medeniyyet-festivalinda-ugurla-istirak-edib-3390

 

 

]]> Meyn ştatındakı icmamız XXI Millətlər Festivalında uğurla iştirak edib https://rizegungazetesi.com/meyn-statindaki-icmamiz-xxi-mill%c9%99tl%c9%99r-festivalinda-ugurla-istirak-edib-h48158.html Thu, 03 Aug 2023 09:20:31 +0000 https://1453kralmedya.com/meyn-statindaki-icmamiz-xxi-mill%c9%99tl%c9%99r-festivalinda-ugurla-istirak-edib-h48158.html

 

 

 

Meyn ştatındakı icmamız XXI Millətlər Festivalında uğurla iştirak edib

2023
Meyn ştatındakı icmamız XXI Millətlər Festivalında uğurla iştirak edib

 

 

 

ABŞ-ın Portland şəhərində keçirilmiş XXI Millətlər Festivalında ölkəmizi Meyn Azərbaycanlıları Cəmiyyəti təmsil edib.

 

 

 

 

“Deering Oaks” parkında gerçəkləşdirilmiş festivalda Meyn Azərbaycanlıları Cəmiyyətin sədri Tərlan Əhmədovun rəhbərliyi ilə Azərbaycan pavilyonu təşkil edilib. Burada xalqımızın zəngin mədəniyyətini, milli mətbəxini əks etdirən nümunələr və Azərbaycan brendinə məxsus məhsullar nümayiş etdirilib.

 

 

 

 

Tərlan Əhmədov bildirib ki, Azərbaycan bayrağının festivaldakı digər ölkələrin bayraqları sırasında yer alması icmamıza xüsusi qürur hissi yaşadıb. Onun sözlərinə görə, yerli sakinlər Azərbaycan mədəniyyətinə və mətbəxinə böyük maraq göstəriblər: “300-dən çox iştirakçı pavilyomuzun qarşısında növbə tutaraq milli mətbəx nümunələrimizə qonaq oldular. Meyndəki icmamız və Bostondan gələn dostlarımız bu hadisəni yaddaqalan etdi”.

 

 

 

 

Qeyd edək ki, icma fəalları Azərbaycan guşəsini ziyarət edənlərə ölkəmizin tarixi, mədəniyyəti, adət-ənənələri, eləcə də Meyn Azərbaycanlıları Cəmiyyətinin fəaliyyəti barədə ətraflı məlumat verib və sualları cavablandırıblar.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/meyn-statindaki-icmamiz-xxi-milletler-festivalinda-ugurla-istirak-edib-3298

 

 

]]> Minnesotadakı icmamız Burnsville Mədəniyyət Festivalında uğurla iştirak edib https://rizegungazetesi.com/minnesotadaki-icmamiz-burnsville-m%c9%99d%c9%99niyy%c9%99t-festivalinda-ugurla-istirak-edib-h47794.html Sat, 22 Jul 2023 13:35:06 +0000 https://1453kralmedya.com/minnesotadaki-icmamiz-burnsville-m%c9%99d%c9%99niyy%c9%99t-festivalinda-ugurla-istirak-edib-h47794.html

 

 

 

Minnesotadakı icmamız Burnsville Mədəniyyət Festivalında uğurla iştirak edib

2023

Minnesotadakı icmamız Burnsville Mədəniyyət Festivalında uğurla iştirak edib

 

 

 

 

 

ABŞ-ın Minnesota ştatının Burnsville şəhərində keçirilmiş ənənəvi Mədəniyyət Festivalında Azərbaycan təmsil olunub.

 

 

 

 

Diasporla İş üzrə Dövlət Komitəsinin dəstəyi və Minnesota-Azərbaycan Assosiasiyasının təşkilatçılığı ilə ənənəvi festivalda yaradılmış Azərbaycan guşəsində xalqımızın qədim və zəngin mədəni irsini, milli mətbəxini əks etdirən nümunələr, “Azerbaijani socks” brendinə məxsus əl işləri nümayiş etdirilib.

 

 

 

 

Festivalın gedişində Minnesota-Azərbaycan Assosiasiyasının rəhbəri Günel Krişnan hər zaman olduğu kimi, səhnəyə milli geyimdə və Azərbaycanın dövlət bayrağı ilə çıxıb. O, Azərbaycan və bayrağımız haqqında qısa məlumat verdikdən sonra üçrəngli dövlət rəmzimizi səhnədəki bayraqlar sırasına taxıb.

 

 

 

 

Günel Krişnan bildirib ki, rəhbərlik etdiyi diaspor təşkilatı artıq 4-cü dəfədir ardıcıl olaraq mədəni müxtəlifliyin əsrarəngiz təcəssümünə çevrilmiş bu beynəlxalq festivalda iştirak edir və Azərbaycan mədəni irsini və adət-ənənələrini uğurla təbliğ edir.

Burnsville Mədəniyyət Festivalı çərçivəsində “Ames Center” sənət qalereyasında müxtəlif icmaların sənətkarlarının əl işlərini əks etdirən sərgi də təşkil olunub.

 

 

 

 

Sərgidəki Azərbaycan guşəsində milli atributlarımız, xalçalarımız, geyimlərimiz, “Azerbaijani socks” brendinin əl işləri, mədəni irsimizə məxsus digər nümunələr, eləcə də Minnesota-Azərbaycan Assosiasiyasının fəaliyyətindən bəhs edən fotomateriallar təqdim olunub.

 

 

 

 

 

Sərginin rəsmi açılış mərasimində iştirak edən Burnsville şəhər meri Elizabet Kautz Minnesota-Azərbaycan Assosiasiyasını şəxsən təqdim edib. Öz növbəsində Assosiasiyanın rəhbəri Günel Krişnan şəhər merinə və Burnsville Mədəniyyət Festivalının təşkilatçılarına Azərbaycan icmasına davamlı dəstəyə və yaradılmış imkanlara görə minnətdarlığını bildirib.

Qeyd edək ki, bu sərgi iki ay davam edəcək.

FOTO QALEREYA

 

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/minnesotadaki-icmamiz-burnsville-medeniyyet-festivalinda-ugurla-istirak-edib-3261

 

 

]]> Diasporumuz Klaypeda şəhərində “Milli Mədəniyyətlər Günü” festivalında iştirak edib https://rizegungazetesi.com/diasporumuz-klaypeda-s%c9%99h%c9%99rind%c9%99-milli-m%c9%99d%c9%99niyy%c9%99tl%c9%99r-gunu-festivalinda-istirak-edib-h46139.html Mon, 05 Jun 2023 18:12:17 +0000 https://1453kralmedya.com/diasporumuz-klaypeda-s%c9%99h%c9%99rind%c9%99-milli-m%c9%99d%c9%99niyy%c9%99tl%c9%99r-gunu-festivalinda-istirak-edib-h46139.html

Diasporumuz Klaypeda şəhərində “Milli Mədəniyyətlər Günü” festivalında iştirak edib

 

 

 

 

, 2023
Diasporumuz Klaypeda şəhərində “Milli Mədəniyyətlər Günü” festivalında iştirak edib

 

 

 

 

Litvanın Klaypeda şəhərində keçirilən “Milli Mədəniyyətlər Günü” festivalında Azərbaycanı bu ölkədə fəaliyyət göstərən “Azəris” Cəmiyyəti təmsil edib.

 

 

 

 

 

Klaypeda Milli Mədəniyyətlər Mərkəzinin təşkilatçılığı ilə keçirilən təntənəli festival bu il Klaypeda diyarının Litvaya birləşdirilməsinin 100 illiyinə həsr olunub.

Bayram tədbiri zamanı festival iştirakçılarının mərkəzi küçələrlə qala-konsertin keçiriləcəyi “Arka” abidəsinə qədər möhtəşəm yürüşü keçirilib. Onların arasında Azərbaycan bayrağını qürurla daşıyan milli geyimli “Azəris” Cəmiyyətinin fəalları da olub.

Tədbir iştirakçılarını bir neçə dildə salamlayan Klaypeda meri Arvidas Vayktus çoxmillətli şəhərə və ona mədəni müxtəliflik bəxş edən icmaların nümayəndələrinə xoş arzularını ifadə edib.

3 saat davam edən qala-konsertdə Rəna Məmmədovanın rəhbərlik etdiyi “Azəris” Azərbaycan həftəsonu məktəbinin yetirmələri milli rəqslərimizi nümayiş etdiriblər.

 

 

 

 

 

Dane çayı yaxınlığındakı yarmarkada qurulmuş Azərbaycan pavilyonunda isə xalqımızın zəngin mədəniyyətini, milli adət-ənənələrini və mətbəxini əks etdirən nümunələr təqdim olunub.

 

 

 

 

Qeyd edək ki, “Azəris” Cəmiyyətinə Klaypeda şəhərində yaşayan Əliağa Məmmədov rəhbərlik edir.

FOTO QALEREYA

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/diasporumuz-klaypeda-seherinde-milli-medeniyyetler-gunu-festivalinda-istirak-edib-3051

]]> Azərbaycan icması Kaliforniyada Sunniveyl mədəniyyət festivalında iştirak edib https://rizegungazetesi.com/az%c9%99rbaycan-icmasi-kaliforniyada-sunniveyl-m%c9%99d%c9%99niyy%c9%99t-festivalinda-istirak-edib-h45890.html Mon, 29 May 2023 19:37:24 +0000 https://1453kralmedya.com/az%c9%99rbaycan-icmasi-kaliforniyada-sunniveyl-m%c9%99d%c9%99niyy%c9%99t-festivalinda-istirak-edib-h45890.html

 

 

 

Azərbaycan icması Kaliforniyada Sunniveyl mədəniyyət festivalında iştirak edib

2023
Azərbaycan icması Kaliforniyada Sunniveyl mədəniyyət festivalında iştirak edib

 

 

ABŞ-ın Kaliforniya ştatında fəaliyyət göstərən Şimali Kaliforniya Azərbaycan Mədəniyyət Mərkəzi (ASCNC) növbəti dəfə ölkəmizi Sanniveyl şəhərindəki ənənəvi mədəniyyət festivalında təmsil edib.

Cəmiyyətin rəhbəri Aynur Ağayevanın sözlərinə görə, Sanniveyl İctimai Mərkəzində baş tutan festivalda qurulmuş Azərbaycan stendi festival iştirakçıları və ziyarətçiləri tərəfindən böyük maraqla qarşılanıb.

Azərbaycan guşəsində xalqımızın tarixini, mədəniyyətini, adət-ənənələrini və milli mətbəxini əks etdirən suvenirlər və nümunələr nümayiş etdirilib. Diaspor fəalları festival iştirakçılarına ölkəmiz haqqında ətraflı məlumat verib, onları maraqlandıran sualları cavablandırıblar.

 

 

 

 

Peşəkar rəqqasə Səma Məmmədovanın milli rəqslərimizi təqdim etməsi izləyiciləri heyran edib.

Aynur Ağayeva cəmiyyəti əyani vəsaitlər və milli geyimlərlə təmin etdiyinə görə Diasporla İş üzrə Dövlət Komitəsinə minnətdarlığını bildirib.

FOTO QALEREYA

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/azerbaycan-icmasi-sunniveyl-medeniyyet-festivalinda-istirak-edib-3001

 

 

]]> İlham Əliyev və Prezident Rəcəb Tayyib Ərdoğan İstanbulda “TEKNOFEST” festivalında iştirak ediblər https://rizegungazetesi.com/ilham-%c9%99liyev-v%c9%99-prezident-r%c9%99c%c9%99b-tayyib-%c9%99rdogan-istanbulda-teknofest-festivalinda-istirak-edibl%c9%99r-h44475.html Sun, 30 Apr 2023 08:37:04 +0000 https://1453kralmedya.com/ilham-%c9%99liyev-v%c9%99-prezident-r%c9%99c%c9%99b-tayyib-%c9%99rdogan-istanbulda-teknofest-festivalinda-istirak-edibl%c9%99r-h44475.html

 

 

 

 

İlham Əliyev və Prezident Rəcəb Tayyib Ərdoğan İstanbulda “TEKNOFEST” festivalında iştirak ediblər
2023,
İlham Əliyev və Prezident Rəcəb Tayyib Ərdoğan İstanbulda “TEKNOFEST” festivalında iştirak ediblər

 

 

 

 

 

Aprelin 29-da Azərbaycan Respublikasının Prezidenti İlham Əliyev və Türkiyə Respublikasının Prezidenti Rəcəb Tayyib Ərdoğan İstanbulda keçirilən “TEKNOFEST” aerokosmik və texnologiya festivalında iştirak ediblər.

Türkiyə Prezidenti Rəcəb Tayyib Ərdoğan və xanımı Əminə Ərdoğan, Azərbaycan Prezidenti İlham Əliyev və birinci xanım Mehriban Əliyeva qardaş ölkənin texnoloji inkişafının daha bir göstəricisi olan “Togg” avtomobili ilə festivalın keçirildiyi məkana gəldilər.

Yolboyu düzülən festival iştirakçıları prezidentləri, birinci xanımları gül-çiçək dəstələri və sürəkli alqışlarla qarşıladılar.

Sonra xatirə şəkli çəkdirildi.

Liviyanın Baş naziri Əbdülhəmid Dibeybe çıxışında “TEKNOFEST”ə dəvət edilməsini və bu tədbirdə iştirakını Türkiyə ilə Liviya arasında dərin tarixi əlaqələrin və iki xalqın birliyinin göstəricisi olduğunu dedi.

Müasir Türkiyənin inkişafında Rəcəb Tayyib Ərdoğanın rolunu vurğulayan Liviyanın Baş naziri bildirdi ki, Türkiyə bu gün uğurlu dövlət modelinin ən gözəl nümunəsidir. Bu gün biz xalqına, millətinə və Vətəninə sözün həqiqi mənasında xidmət edən bir Türkiyə modelini görürük.

Akkuyu Atom Elektrik Stansiyasının inşasının Türkiyənin imkanlarını daha da genişləndirəcəyini vurğulayan Əbdülhəmid Dibeybe diqqətə çatdırdı ki, bu gün Türkiyə dövləti müdrik rəhbərliyi, sahib olduğu böyük imkanları sayəsində bütün maneələrə qarşı sarsılmaz mövqe nümayiş etdirir.

Fevralın 6-da baş vermiş zəlzələnin fəsadlarının Prezident Rəcəb Tayyib Ərdoğanın liderliyi və türk xalqının əzmkarlığı sayəsində sürətlə aradan qaldırıldığını deyən Baş nazir bərpa işlərinin uğurla həyata keçirildiyini vurğuladı.

Əbdülhəmid Dibeybe bildirdi ki, əhatə coğrafiyasını ildən-ilə genişləndirən “TEKNOFEST” Türkiyənin kosmos, aviasiya və texnologiya sahələrində necə sürətlə inkişaf etdiyini göstərir. O, Liviyanın hava hücumundan müdafiə sistemlərinin gücləndirilməsinə verdiyi töhfələrə görə Türkiyə dövlətinə və “Baykar” şirkətinə təşəkkürünü bildirdi.

x x x

Sonra Azərbaycan Prezidenti İlham Əliyev çıxış etdi.

Prezident İlham Əliyevin çıxışı

– Hörmətli Cümhurbaşqanı, əziz qardaşım Rəcəb Tayyib Ərdoğan, hörmətli Əminə xanım, hörmətli və əziz dostlar.

Qardaş ölkədə yenidən olmağımdan çox məmnunam. Sizə Azərbaycan xalqının səmimi salamlarını gətirmişəm. Bir il öncə “TEKNOFEST” festivalı Bakıda keçirilmişdir və əziz qardaşımla bərabər biz “TEKNOFEST”də iştirak etmişdik. Bu gün mən buradayam. Bu, bir daha onu göstərir ki, Türkiyə və Azərbaycan hər zaman bir yerdədir. Türkiyə və Azərbaycan dost, qardaş ölkələrdir.

Eyni zamanda, iki il bundan öncə Şuşa Bəyannaməsinin imzalanması ilə Türkiyə və Azərbaycan rəsmən müttəfiq oldular. O tarixi Bəyannamənin Qarabağın tacı olan Şuşada imzalanmasının xüsusi önəmi var. Şuşa Azərbaycan xalqının əziz şəhəridir, Türk dünyasının əziz şəhəridir. Şuşanın işğaldan azad edilməsi nəticəsində Azərbaycan öz ərazi bütövlüyünü bərpa etmişdir. Türkiyə, onun Cümhurbaşqanı, qardaş türk xalqı daim bizim yanımızda idi.

İkinci Qarabağ savaşının ilk dəqiqələrindən son dəqiqələrinə qədər əziz qardaşım Cümhurbaşqanı Rəcəb Tayyib Ərdoğan bizim yanımızda idi. Onun açıqlamaları, onun mesajları Azərbaycanı birmənalı dəstəkləmişdi. O söyləmişdir ki, Azərbaycan tək deyil, Türkiyə Azərbaycanın yanındadır və bu, bizə əlavə güc verdi, əlavə ruh verdi.

Türkiyə son 20 il ərzində böyük və şərəfli yol keçmişdir. Hörmətli Cümhurbaşqanının liderliyi ilə Türkiyə dünya çapında söz sahibinə çevrilmiş, bizim bölgəmizdə sülhün, sabitliyin, təhlükəsizliyin qarantıdır. Türkiyə böyük Türk dünyasının birləşməsi işində çox böyük rol oynadı. Ötən ay türk dövlətlərinin Ankarada keçirilmiş Zirvə toplantısında da bütün türk dövlətləri əziz qardaşıma öz dəstəyini, öz hörmətini və bizim ümumi həmrəyliyimizi bildirmişdir. Türk dünyasının böyük coğrafiyası, böyük potensialı, böyük təbii qaynaqları, böyük hərbi gücü var. Türk dünyasının birləşməsində Rəcəb Tayyib Ərdoğanın Türk dünyası qarşısında tarixi xidmətləri vardır.

Bu gün Türkiyə Avrasiyanın ticarət, enerji, nəqliyyat, siyasi mərkəzidir. Gündən-günə Türkiyənin önəmi, rolu artır. Türkiyənin güclü sənayesi həm Türkiyəni gücləndirir, həm də Türkiyənin müttəfiqlərini gücləndirir. Türk Ordusu bu gün dünya çapında ən öndə olan orduların sırasındadır. Türkiyənin müdafiə sənayesi bu gün bütün dünya tərəfindən qəbul edilir. Ən inkişaf etmiş, ən çağdaş, ən modern müdafiə sənayesi həm Türkiyəni, həm bizi gücləndirir və uzun illər bundan sonra Türkiyənin təhlükəsizliyini təmin edəcəkdir.

Bu gün “TEKNOFEST”də iştirak edərkən “TEKNOFEST”in qurucusu, əziz qardaşımız Selçuk Bayraktarın xidmətlərini də qeyd etmək istərdim. Selçuk bəy Azərbaycanda dəfələrlə olmuş, o cümlədən azad edilmiş torpaqlarda, Şuşada. Son gəlişində – aprelin 3-də Azərbaycanda olarkən biz gələcək işbirliyi haqqında danışdıq və Azərbaycanda “Bayraktar” mərkəzinin yaradılması haqqında razılığa gəldik. İnşallah, yaxın gələcəkdə Azərbaycanda “Bayraktar” mərkəzi yaradılacaq, orada təhsil, xidmət, istehsal da olacaqdır. Selçuk bəy Bakıda olarkən “Kızılelma”nın bir maketini hədiyyə etdi. Mən fürsətdən istifadə edərək “Kızılelma” ilə bağlı bütün qardaşlarımızı təbrik etmək istəyirəm və ümid edirəm ki, yaxın gələcəkdə “Kızılelma” Azərbaycanın səmasında da olacaqdır. “Kızılelma” havada, “Altay” və “Togg” quruda, “Anadolu” dənizdə – bugünkü Türkiyə budur.

Bir neçə gündən sonra Azərbaycan xalqı çağdaş Azərbaycan dövlətinin banisi, qurucusu Heydər Əliyevin 100 illiyini qeyd edəcək. Heydər Əliyev demişdir: “Türkiyə və Azərbaycan bir millət, iki dövlətdir”. Bu gün biz bunu sübut edirik. Bu gün bütün atalarımızın, əcdadlarımızın ruhu şaddır. Çünki Türkiyə və Azərbaycan bir yerdədir. Atam demişkən, “Bir millət, iki dövlət”, əlavə də etmək istəyirəm, “Bir yumruq!”.

Mən bu il üçüncü dəfə qardaş ölkəyə səfər edirəm. Fevral ayında olmuşam, mart ayında olmuşam, bu gün buradayam. Əziz qardaşım, növbə Sizindir. Biz Sizi gözləyirik, bütün Azərbaycan xalqı Sizi gözləyir, Sizi öpür, qucaqlayır, Sizə öz hörmət və sevgisini çatdırır. Türkiyə-Azərbaycan birliyi əbədidir!

x x x

“TEKNOFEST” çərçivəsində Azərbaycan dövlətinin zəlzələnin baş verdiyi Kahramanmaraş vilayətində inşa edəcəyi min ev, məktəb, məscid və digər infrastruktur obyektlərindən ibarət yaşayış kompleksinin onlayn rejimdə təməlinin qoyulması mərasimi oldu.

Azərbaycanın Türkiyəyə bu qardaşlıq köməyinə görə Prezident İlham Əliyevə minnətdarlığını bildirən Türkiyə Prezidenti Rəcəb Tayyib Ərdoğan dedi:

– Əziz xalqım, xanımlar və cənablar.

Əziz qardaşım İlham Əliyev lap əvvəldən mərkəzi Pazarcık olan zəlzələdə bizi heç vaxt yalnız qoymadı. İlk andan etibarən axtarış-xilasetmə heyətləri Kahramanmaraşda bizimlə birlikdə oldu. Onunla da kifayətlənmədi, daha sonra İlham qardaşım Kahramanmaraşda min evin inşa ediləcəyinə söz verdi. Təbii ki, orada məktəbi, məscidi, yataqxanası və yaşayış binaları olan bir Azərbaycan şəhəri inşa etməyi qərara aldı. Bu gün fürsətdən istifadə edərək, indi onun təməlini qoyacağıq. Vahid Kirişçi bəy qarşımızdadır.

Türkiyənin kənd təsərrüfatı və meşə naziri Vahid Kirişçi: Ehtiramımızı ifadə edirəm, cənab Prezidentim. Buradakı iştirakçılar adından Zati-alinizi, möhtərəm Prezidenti, hörmətli xanımları dərin ehtiramla salamlayıram.

Prezident Rəcəb Tayyib Ərdoğan: İndi ətrafı yaxından göstərin, harada nə var görək. Layihə möhtəşəmdir. Bu layihəni, İnşallah, qısa müddətdə haqqı çatanlara Azərbaycanın əli ilə təqdim edəcəyik.

 

 

 

 

x x x

Sonra yaşayış kompleksinin təməli qoyuldu.

Prezident Rəcəb Tayyib Ərdoğan: İlham qardaşım deyir ki, bir ildə başa çatdırılmalıdır, xeyirli olsun.

Prezident İlham Əliyev: Xeyirli olsun.

x x x

Daha sonra Türkiyə Prezidenti Rəcəb Tayyib Ərdoğan Azərbaycan Prezidenti İlham Əliyevə Türk dünyasının böyük oğlu, Ulu Öndər Heydər Əliyevin anadan olmasının 100 illiyi münasibətilə hazırlanmış xatirə əsginasını təqdim etdi.

x x x

Festivalda çıxış edən Türkiyə Prezidenti Rəcəb Tayyib Ərdoğan dedi:

– Azərbaycan Prezidenti əziz qardaşım İlham Əliyev.

Liviyanın Baş naziri qardaşım Əbdülhəmid Dibeybe.

Əziz istanbullular, xanımlar və cənablar, “TEKNOFEST”in hörmətli iştirakçıları, əziz gənclər.

Sizi ən səmimi hisslərimlə, sevgi və məhəbbətlə salamlayıram.

Maşallah, bu il də İstanbulda “TEKNOFEST” başqa cür gözəldir. Burada sizin vasitənizlə ölkəmizin 81 vilayətindəki bütün gənc ürəklərə salamlarımı göndərirəm. Könül coğrafiyamızın hər tərəfindəki gənclərimizi, gənc qardaşlarımızın hamısını buradan bir daha sevgi ilə salamlayıram.

Dünyanın bir nömrəli aviasiya, kosmik və texnoloji festivalı “TEKNOFEST”də sizlərlə bərabər olmaqdan böyük məmnunluq duyuram. İstanbulumuzdan və Türkiyənin müxtəlif şəhərlərindən “TEKNOFEST”ə təşrif buyuran gənclərimizə “İstanbulumuza xoş gəldiniz!” deyirəm.

Azərbaycan Prezidenti, hörmətli qardaşım və dostum İlham Əliyevə xanımı ilə birlikdə bilavasitə iştirak etdiyi üçün təşəkkür edirəm.

Eyni qaydada Liviyanın Baş naziri Dibeybe qardaşıma da təşəkkür edirəm.

Şöhrəti ölkəmizin sərhədlərini də aşan altıncı “TEKNOFEST”də sizlərlə birlikdəyik. Birincisini 2018-ci ildə keçirdiyimiz “TEKNOFEST”, şükür olsun, artıq öz sahəsində bir markaya çevrilib. Keçən il Bakıda can azərbaycanlı gənclərimizlə “TEKNOFEST” sevincini yaşadıq. Samsundan Qaziantepə qədər ölkəmizin müxtəlif vilayətlərində texnologiyaya, müdafiə sənayesinə, elmə marağı olan gənclərimizlə bir araya gəldik. Builki texnologiya bayramımızı indi İstanbulda keçiririk, daha sonra İnşallah, Ankarada təşkil edəcəyik.

Milli texnoloji həmləmizin konkret nümunələrinin nümayiş etdirildiyi “TEKNOFEST”in ölkəmizə, millətimizə və siz gənclərimizə xeyirli olmasını diləyirəm. Bizlərə bu qürur mənzərəsini yaşadan T3 Vəqfinə, nazirliklərimizə, bütün tərəfdaş qurum və təşkilatlarımıza təşəkkür edirəm. Müsabiqəyə qatılan, yer tutan, layihələri və fikirləri ilə qarşıda yeni üfüqlər açan bütün qardaşlarımızı səmimi-qəlbdən təbrik edirəm.

“TEKNOFEST”də iştirak üçün müraciət edən komandaların sayının ildən-ilə dəfələrlə artdığını vurğulayan Türkiyə Prezidenti dedi: “Bu festivala 2018-ci ildə 4333 komanda ilə Bismillah demişdik. Bu il 81 vilayət və 96 ölkədən 333 min komanda, 1 milyon iştirakçı müraciət edib. Yarışların kateqoriyası da 14-dən 41 əsas və 102 alt kateqoriyaya çatıb. İştirakçıların sayının artması ilə birlikdə mükafatlarımızın məbləği də yüksəlib. Cəmi 4 milyon mükafat və dəstək məbləği ilə başlayan proses 44 milyon lirəyə çatıb. Rekordların və ilklərin festivalı olan “TEKNOFEST”in qarşıdakı dövrdə uğur səviyyəsinin daha da yüksələcəyinə inanıram”.

Fevralın 6-da baş verən zəlzələlərdən sonra əhalinin harayına çatan T3 Vəqfini və “Baykar” şirkətini təbrik edən Rəcəb Tayyib Ərdoğan vurğuladı ki, “Baykar” şirkəti “Əsrin fəlakəti” qarşısında nümayiş etdirdiyi nümunəvi mövqe ilə bu millətin doğma övladı olduğunu bir daha ortaya qoydu. Dövlət başçısı T3 Vəqfinin və “TEKNOFEST” könüllülərinin dəfələrlə bölgəyə gedib zəlzələdən zərər çəkənlərin çətin günlərində yanlarında olduqlarını xatırladaraq onlara minnətdarlığını ifadə etdi.

Kahramanmaraşda təməli qoyulan evlərə görə Prezident İlham Əliyevə təşəkkürünü bildirən Türkiyə Prezidenti dedi: “Kahramanmaraşda təməlini bir az əvvəl birlikdə qoyduğumuz evlər üçün İlham qardaşıma da çox təşəkkür edirəm. Azərbaycan dövləti və xalqı bu müddətdə dostluğun və qardaşlığın nə demək olduğunu göstərdi”.

Prezident Rəcəb Tayyib Ərdoğan Türkiyənin yüksək texnologiyalara əsaslanan layihələr həyata keçirdiyini qeyd edərək vurğuladı: “Təkcə son aylarda yaşadığımız inkişafı sizlər də gördünüz. Bir az əvvəl əziz qardaşım İlham Əliyev də dedi: “Kızılelma” havaya qalxdı, “Togg” satışa çıxarıldı. Budur, “Kızılelma”, “Akıncı” qarşımızdadır, “TCG Anadolu” gəmisi Dəniz Qüvvələrinə təqdim edildi”.

İndiyədək “TCG Anadolu” gəmisini 100 minə yaxın vətəndaşın ziyarət etdiyini diqqətə çatdıran Türkiyə Prezidenti Qara dənizdə çıxarılan təbii qazın istismarına başlanılmasını, milli döyüş təyyarəsinin, “Gökbey” helikopterinin, “Hürjet” və “ATAK-2” qırıcılarının, “Altay” tankının istifadəyə verilməsini Türkiyənin son illərdə böyük uğurlarının göstəricisi kimi dəyərləndirərək, “TEKNOFEST”in bütün bu nailiyyətlərin rəmzi olduğunu qeyd etdi.

Türkiyənin son illərdə kosmik sahədə də böyük uğurlar qazandığını qeyd edən Prezident Rəcəb Tayyib Ərdoğan İMECE peykinin kosmosa göndərilməsinin əhəmiyyətini vurğulayaraq, Beynəlxalq Kosmik Stansiyaya yola düşəcək türk pilotlar Alper Gezeravcıya və Tuva Cihangir Ataseverə uğurlar arzuladı.

x x x

Çıxışlardan sonra “TEKNOFEST” çərçivəsində keçirilmiş müsabiqələrin qaliblərinin mükafatlandırılması mərasimi oldu.

Müsabiqənin qalibləri ilə xatirə şəkilləri çəkdirildi.

“Kızılelma” pilotsuz uçuş aparatının səmada manevrləri izlənildi.

“Baykar” şirkətinin İdarə Heyətinin sədri Selçuk Bayraktar Azərbaycan Prezidenti İlham Əliyevə, Liviyanın Baş naziri Əbdülhəmid Dibeybeyə və Türkiyə Prezidenti Rəcəb Tayyib Ərdoğana xatirə hədiyyələri təqdim etdi.

x x x

Qeyd edək ki, milli texnoloji həmlə konsepsiyası ilə texnologiya sahəsində sürətlə inkişaf edən Türkiyənin altıncı ildir təşkil etdiyi builki “TEKNOFEST” festivalı aprelin 27-də start götürüb. Mayın 1-dək davam edəcək festival Türkiyə Texnologiya Komandası Vəqfinin (T3 Vəqfi), Sənaye və Texnologiya Nazirliyinin birgə təşkilatçılığı, qardaş ölkənin milli texnoloji sistemində mühüm rol oynayan dövlət, özəl, elm və media qurumlarından ibarət 120-dək qurumun tərəfdaşlığı ilə keçirilir. İldən-ilə genişlənən “TEKNOFEST”də beş gün ərzində texnologiya, elm, aviasiya-pilotaj nümayişləri, sərgilər, konfranslar, texnoloji yarışlar, mükafatlandırma mərasimləri və digər tədbirlər təşkil olunacaq.

Festival çərçivəsində keçirilən texnoloji yarışlar öz arzularını reallığa çevirmək istəyən gənclərin layihələrinin təqdimatı üçün ideal platforma təklif edir. Məhz bunun nəticəsidir ki, bu möhtəşəm festivalın iştirakçılarının sayı ildən-ilə sürətlə artmaqdadır. Belə ki, “TEKNOFEST”in ilk dəfə təşkil olunduğu 2018-ci ildə tədbirə 4333 komanda və 20 min iştirakçı qatılmışdısa, bu il komandaların sayı 333 mindən, iştirakçıların sayı isə 1 milyondan çoxdur. Builki “Texnoloji yarışlar”da 102 müxtəlif kateqoriya üzrə 41 yarış keçirilir.

Xatırladaq ki, 2022-ci il mayın 26-29-da “TEKNOFEST” ilk dəfə Türkiyədən kənarda – Azərbaycanda keçirilib. “TEKNOFEST Azərbaycan”ın açılış mərasimində Azərbaycan Prezidenti İlham Əliyev, Türkiyə Prezidenti Rəcəb Tayyib Ərdoğan, birinci xanımlar Mehriban Əliyeva və Əminə Ərdoğan, eləcə də Nobel mükafatı laureatı Əziz Səncər iştirak ediblər.

“TEKNOFEST Azərbaycan” festivalını 300 minə yaxın insan ziyarət edib. Festival çərçivəsində üç beynəlxalq tədbir və səkkiz texnoloji müsabiqə təşkil olunub. Həmin müsabiqələrdə 5 mindən çox gəncin formalaşdırdığı 1000-dən çox komanda yarışıb.

Böyük ölçüdə video
Böyük ölçüdə şəkillər
BÜTÜN YAZILAR
XƏBƏRLƏR
SƏNƏDLƏR
VİDEOLAR
ŞƏKİLLƏR

kaynak:https://president.az/az/articles/view/59541

 

 

]]>