Heydər – Rize Gün Gazetesi https://rizegungazetesi.com Mon, 16 Oct 2023 18:37:27 +0000 tr hourly 1 https://rizegungazetesi.com/wp-content/uploads/2025/03/cropped-rize-gun-32x32.webp Heydər – Rize Gün Gazetesi https://rizegungazetesi.com 32 32 Millət vəkili Məşhur Məmmədov, “İnkişaf yolunda..”, ÖZEL https://rizegungazetesi.com/mill%c9%99t-v%c9%99kili-m%c9%99shur-m%c9%99mm%c9%99dov-inkisaf-yolunda-ozel-h50518.html Mon, 16 Oct 2023 18:37:27 +0000 https://1453kralmedya.com/mill%c9%99t-v%c9%99kili-m%c9%99shur-m%c9%99mm%c9%99dov-inkisaf-yolunda-ozel-h50518.html

Millət vəkili Məşhur Məmmədov,
“İnkişaf yolunda..”, ÖZEL

Millet vekili Meşhur Memmedov,

“Böyük siyasət aparmaq üçün bilik, təcrübə lazımdır. Gərək dünya siyasətini dərk etməyi, təhlil etməyi, ondan nəticə çıxarmağı bacarasan.” Ümummilli lider Heydər Əliyev bu sözləri Zuğulbadakı Pansionatda müvəqqəti məskunlaşan qaçqınlarla görüşdə çıxışı zamanı -21 may 1994-cü ildə demişdir. Zaman keçdikcə Ulu Öndərin çıxışlarının hər kəlməsini analiz etdikcə, onun öncəgörücülüyünə, gələcək üçün dəqiq proqnozvermə qabiliyyətinə valeh olmamaq mümkün deyil.

Zaman keçir, Ulu Öndərin 30 il öncə dediyi sözlər bu gün onun layiqli davamçısı Prezident İlham Əliyevin rəhbərliyi ilə həyata keçir. Son illərdə cənab İlham Əliyev sözün həqiqi mənasında dünyanın güc dövlətləri ilə böyük siyasət aparır. Peşəkar idarəçilik qabiliyyəti, diplomatik təcrübəsi, arxasında dayanan güclü ordusu və ətrafında birləşən xalqı ilə bütün dünyanın supergüclərinə qarşı arqumentlərlə gələn ölkə başçısı prezident seçilməsinin 20 illiyinin hesabatını xalqa Milli Qürur Günü kimi yaşatdı, növbəti dəfə adını tarixə qızıl hərflərlə yazdı. Azərbaycan Respublikasının Prezidenti İlham Əliyev oktyabrın 15-də Xankəndi şəhərində Azərbaycan Respublikasının Dövlət Bayrağını ucaltdı.

 

Azərbaycan xalqı Ulu öndər Heydər Əliyevin davamçısına 20 il bundan əvvəl böyük etimad göstərdi. Gedişat sübut edir ki, ötən illər ərzində ölkə başçısı İlham Əliyevə olan etimad daha da artıb. İkinci Qarabağ müharibəsi dayananda Azərbaycan xalqı bilirdi ki, Şuşa kimi Xankəndində də bayrağımızın dalğalanmasına çox az qalıb. Şükürlər olsun, üç il keçməmiş biz Xankəndidəyik. Cənab Prezidentin Azərbaycan Gerbi, Azərbaycan Bayrağı altında etdiyi çıxışlar xalq olaraq ürəyimizi qürur hissi ilə doldurub. Bu, böyük xoşbəxtlikdir və tarixi hadisədir.  Xankəndi qələbəsi əbədi bizimlə olacaq.  Bizdən sonra gələn nəsillər bu Qələbə ilə əbədi və haqlı olaraq fəxr edəcəklər.

Bu il “Heydər Əliyev İli”dir. Biz Heydər Əliyevin 100 illiyini onun siyasətinə, onun tarixi irsinə hörmət göstərərək, onun siyasətini davam etdirərək qeyd edirik. Bu gün Ulu Öndərin, bizim bu günü görməyən bütün həyatdan gedənlərin ruhları şaddır. Onların ruhlarını şad edən biz olmuşuq, Azərbaycan xalqı olub, onların davamçıları olub.

 

Ulu Öndərin 100 illiyini qeyd etdiyimiz vaxtda cənab İlham Əliyevin Xankəndidə olması böyük rəmzi məna daşıyır. Prezident İlham Əliyev Xankəndi şəhərindən xalqa müraciəti zamanı qeyd etdiyi kimi, Azərbaycan torpağında heç bir tarixi, coğrafi və siyasi əsası olmayan Dağlıq Qarabağ Muxtar Vilayəti də 100 il bundan əvvəl – 1923-cü ildə yaradılmışdır. Bu, 100 ilin tarixidir. Görün, bu 100 il ərzində xalqımız nə qədər əzab çəkib, tarix bizi nə qədər sınağa çəkib. Əyilmədik, sınmadıq, o boyda böyük faciə ilə təkbaşına üz-üzə qalmışdıq, heç kim bizim yanımızda durmadı. Torpaqlarımız işğal altına düşəndə heç bir ölkə arxamızda dayanmadı, heç mənəvi dəstək də göstərmədilər. Bütün əsas güclər Ermənistanın arxasında idi və bugünkü tarix onu bir daha göstərir. Baxın görün, bu gün Azərbaycana ən çox düşmənçilik edən hansı ölkələrdir. Həmin ölkələr ki, o vaxt -1992-1993-cü illərdə Ermənistanın yanında idi, onları işğala təhrik edirdi, işğalı dəstəkləyirdi və onlara bəraət qazandırırdı. Heç nə dəyişməyib bu 30 il ərzində. Xalqımız böyük faciələrlə üz-üzə qalmışdı, 1 milyon insan evsiz-eşiksiz qalmışdır, torpaqlarımız tamamilə dağıdılmışdır. Bu gün azad edilmiş torpaqlara gələn hər bir insan öz gözləri ilə erməni vəhşiliyini görür. Bir dənə salamat bina qalmayıb. Bizə qarşı etnik təmizləmə aparılıb. Bizə qarşı soyqırımı törədilib, Xocalı soyqırımı. Ondan çox ölkə Xocalı soyqırımını tanıyıb, “Xocalıya ədalət!” hərəkatı geniş beynəlxalq vüsət alıb. Bax, o çətin dövrdən bu günə qədər keçdiyimiz yol şərəf və ləyaqət yoludur. Biz toparlandıq, güc yığdıq.

Nə yaxşı ki, Azərbaycan xalqı 1993-cü ildə öz müdrikliyini bir daha göstərdi, Ulu Öndər Heydər Əliyevə dəstək verdi, onu prezident vəzifəsinə seçdi. O vaxtdan bu günə qədər ölkə inkişaf yolu ilə gedir. Son 20 il ərzində isə bu inkişaf daha da sürətlidir və bütün sahələrdə özünü göstərir.”

 

Ülker Piriyeva/ Azerbaycan

]]> Azərbaycan Millət vəkili Məşhur Məmmədov,  “Sabit inkişaf kursunun banisi”,  ÖZEL https://rizegungazetesi.com/az%c9%99rbaycan-mill%c9%99t-v%c9%99kili-m%c9%99shur-m%c9%99mm%c9%99dov-sabit-inkisaf-kursunun-banisi-ozel-h50107.html Tue, 03 Oct 2023 12:36:36 +0000 https://1453kralmedya.com/az%c9%99rbaycan-mill%c9%99t-v%c9%99kili-m%c9%99shur-m%c9%99mm%c9%99dov-sabit-inkisaf-kursunun-banisi-ozel-h50107.html

Azərbaycan Millət vəkili Məşhur Məmmədov,
“Sabit inkişaf kursunun banisi”,  ÖZEL
Millet vekili Meşhur Memmedov,
“1993-cü il oktyabrın 3-nə təyin edilmiş prezident seçkiləri Azərbaycan xalqı üçün mühüm tarixi hadisə, müstəqil Azərbaycan dövləti üçün isə qurtuluşa gedən yolun ilk pilləsi idi. Həmin gün müstəqil, müasir Azərbaycanın təməli qoyuldu desək, yanılmarıq.
Xalq böyük səs çoxluğu ilə öz seçimini etdi və Heydər Əliyevi Prezident seçdi. Həmin taleyüklü seçimlə bugünkü qüdrətli Azərbaycan dövlətinin təməli qoyuldu.
Xalqın mütləq əksəriyyətinin səsini qazanaraq Azərbaycan Respublikasının Prezidenti seçilən Ulu Öndər 1993-cü il oktyabrın 10-da dövlətə və xalqa sədaqət andı içərək Azərbaycanı böyük bəlalardan, faciələrdən hifz edib, ölkəni sabitlik, iqtisadi inkişaf və tərəqqi yoluna çıxarıb, qlobal enerji-kommunikasiya layihələrini reallaşdırmaqla Vətənə sədaqətlə xidmətin əyani nümunəsini yaratdı.
Müstəqilliyin ilk illərində sağlam düşüncənin səsinə qulaq asıb, böyük siyasi xadimi respublika rəhbərliyinə dəvət etsəydilər, Azərbaycan 20 Yanvar, Xocalı faciələrini görməz, habelə Laçın, Şuşa xəyanətlərin qurbanı olmaz, ölkə ərazisinin 20 faizi işğal edilməz, dövlət müstəqilliyimiz ağrılı və əzablı yollardan keçməzdi.
Öz andına daim sadiq qalmış Ulu Öndər andiçmə mərasimindəki nitqində deyib: “Bu gün mənim üçün tarixi, əlamətdar bir gündür. Mənə göstərilən bu böyük etimada görə Azərbaycan vətəndaşlarına, Azərbaycan xalqına hörmətimi, məhəbbətimi bildirir və əmin etmək istəyirəm ki, həyatımın sonuna qədər xalqıma sədaqətlə xidmət edəcək və bütün fəaliyyətimi Azərbaycan Respublikasının gələcək inkişafına sərf edəcəyəm.”
Ulu öndərin 1993-cü ilin oktyabrında dövlət başçısı seçilməsindən sonra müstəqil Azərbaycanın hüquqi və siyasi-iqtisadi suverenliyinin təmin olunması prosesi əsaslı şəkildə sürətlənmişdir. Ümummilli Lider ilk növbədə, ölkədə ictimai-siyasi sabitliyin bərpası istiqamətində gərgin iş aparmış, qeyri-qanuni silahlı dəstələr zərərsizləşdirilmiş, respublikamızın sosial-iqtisadi yüksəlişinə yol açan ən mühüm amil kimi cəmiyyətdə ictimai-siyasi sabitlik bərqərar edilmişdir. Dövlət çevrilişlərinin qarşısı alınmış, Azərbaycan vətəndaş müharibəsi təhlükəsindən xilas olmuşdur. Müstəqil dövlətimizin ərazi bütövlüyünün bərpası və Ermənistan silahlı qüvvələrinin hücumlarının qarşısının alınması, ölkənin müstəqilliyinin qorunub saxlanması üçün ordu quruculuğu istiqamətində kompleks tədbirlər həyata keçirilmişdir.
Azərbaycan xalqının tarixində taleyüklü məsələlərin həllində müstəsna xidmətləri olan tarixi şəxsiyyətlər içərisində Azərbaycan xalqının Ümummilli Lideri adını qazanmış görkəmli dövlət xadimi, dünya miqyaslı siyasətçi, parlaq şəxsiyyət Heydər Əliyevin xüsusi rolu vardır. Ümummilli lider Heydər Əliyev öz xilaskarlıq missiyasının öhdəsindən yüksək səviyyədə gəldi.
 Sabit inkişaf kursu da Ulu Öndərin adı ilə bağlıdır. “Azərbaycan dövlətinin strateji yolu yalnız demokratiya, sərbəst iqtisadiyyat prinsiplərinin bərqərar olması, bazar iqtisadiyyatı və sahibkarlığın inkişafıdır” – deyən Heydər Əliyev demokratik düşüncə və həyat tərzinin bütün dünyada diktə etdiyi bu meyarlara hər zaman sadiqlik göstərmiş, milli inkişaf naminə bu yolun alternativsizliyi fikrinin ictimai rəyə aşılanmasına nail olmuşdur.
Heydər Əliyev qlobal düşüncəli, geniş dünyagörüşlü nəhəng bir siyasətçi idi. O, realist bir insan olaraq hadisələrə praqmatik yanaşırdı, tarixi şəraitdən düzgün baş çıxarırdı, ölkənin taleyi üçün uğurlu qərarlar qəbul edirdi. O, beynəlxalq aləmdə tarazlaşdırılmış siyasətin, ölçülüb-biçilmiş fəaliyyətin ustadı idi. Bu dahi siyasət adamı bütün fəaliyyəti boyu müdrik insan, peşəkar rəhbər, xalq məhəbbətini qazanan uzaqgörən siyasətçi və ağıllı dövlət xadimi olduğunu təsdiq etmişdir.
Ulu Öndər Heydər Əliyev gündəlik siyasi fəaliyyətində nümayiş etdirdiyi peşəkarlıq sayəsində “siyasət nəhəngi”, “siyasət qrosmeysteri”, “siyasət patriarxı” və digər bu kimi adlar qazanmışdır. Siyasi uzaqgörənliyində, fitri istedadında, müdrikliyində, ölçülüb-biçilmiş qərarlarında, qətiyyətliyində, siyasi iradəsində, dərin zəkasında, ensiklopedik biliyə malik olmasında, geniş dünyagörüşündə, milli maraqlara əsaslanmasında, tarixi şəraitdən düzgün baş çıxarmasında, zaman və məkan amilini qiymətləndirməsində, dözüm və səbrliliyində, nəzəriyyəyə istinad etməsində və bir çox digər məsələlərdə Ulu Öndərin fenomenallığı sübut olunmuş faktdır. Fəxrlə, ruhuna sayğı ilə deyə bilərik ki,  Azərbaycan Heydər Əliyev siyasəti ilə irəliləyir və yaşayır.
Ulu Öndər Heydər Əliyevin siyasi kursu dövlət müstəqilliyimizin qorunub saxlanılması və möhkəmləndirilməsi, Azərbaycanın beynəlxalq imicinin yüksəldilməsi, habelə sosial-iqtisadi tərəqqiyə nail olması kimi taleyüklü məsələlərdə uğurla sınaqdan çıxmışdır.
1993-cü ildən başlayaraq bu günə qədər Azərbaycan, sözün əsl mənasında, müstəqil həyat yaşayır. Dövlətçiliyin əsasları qoyuldu, müstəqil dövlətin Konstitusiyası qəbul edildi, milli ideologiyamız qəbul olundu, azərbaycançılıq məfkurəsi bu gün bizim ideoloji əsaslarımızı təşkil edir.
 Siyasi islahatlar, demokratik inkişafla bağlı önəmli qərarlar, iqtisadi sahədə liberallaşma siyasəti və bazar iqtisadiyyatına keçid məhz Ulu Öndər Heydər Əliyevin təşəbbüsü ilə baş vermişdir.
Millətin məhəbbətini qazanmış Ümummilli Lider Heydər Əliyev Azərbaycan xalqının yaddaşında qurucu və xilaskar dövlət xadimi kimi əbədi olaraq yaşayacaq.”
Ülker Piriyeva/ Azerbaycan

]]> Forum iştirakçıları Heydər Əliyev Mərkəzində olublar https://rizegungazetesi.com/forum-istirakcilari-heyd%c9%99r-%c9%99liyev-m%c9%99rk%c9%99zind%c9%99-olublar-h50073.html Mon, 02 Oct 2023 08:21:17 +0000 https://1453kralmedya.com/forum-istirakcilari-heyd%c9%99r-%c9%99liyev-m%c9%99rk%c9%99zind%c9%99-olublar-h50073.html

 

 

 

Forum iştirakçıları Heydər Əliyev Mərkəzində olublar

, 2023

 

 

 

Forum iştirakçıları Heydər Əliyev Mərkəzində olublar

 

 

 

 

Türk Dövlətlərinin Diaspor Gənclərinin I Forumunun iştirakçıları Heydər Əliyev Mərkəzini ziyarət ediblər.

 

 

 

Heydər Əliyev Mərkəzində müasir Azərbaycan dövlətinin qurucusu Heydər Əliyevin irsini əks etdirən muzeylə, eləcə də müxtəlif layihələrin və tədbirlərin həyata keçirildiyi sərgi salonları ilə tanışlıq zamanı qonaqlara dahi şəxsiyyətin həyat və fəaliyyəti, dövlətçilik tarixindəki yeri barədə ətraflı məlumat verilib.

 

 

 

 

Müasir Azərbaycanda demokratik, hüquqi dövlət quruculuğu prosesi, vətəndaş cəmiyyətinin formalaşması, əsaslı siyasi və iqtisadi islahatların həyata keçirilməsi, ölkəmizin dünyada etibarlı tərəfdaş kimi tanınması kimi amillərin Heydər Əliyevin adı ilə bağlı olduğu nəzərə çatdırılıb.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/forum-istirakcilari-heyder-eliyev-merkezinde-olublar-3618

 

 

 

 

 

]]> Azərbaycan Millət vəkili Məşhur Məmmədov, “Milli dövlətçiliyin bərpası..”, ÖZEL https://rizegungazetesi.com/az%c9%99rbaycan-mill%c9%99t-v%c9%99kili-m%c9%99shur-m%c9%99mm%c9%99dov-milli-dovl%c9%99tciliyin-b%c9%99rpasi-ozel-h49135.html Wed, 30 Aug 2023 09:14:20 +0000 https://1453kralmedya.com/az%c9%99rbaycan-mill%c9%99t-v%c9%99kili-m%c9%99shur-m%c9%99mm%c9%99dov-milli-dovl%c9%99tciliyin-b%c9%99rpasi-ozel-h49135.html

Azərbaycan Millət vəkili Məşhur Məmmədov,
“Milli dövlətçiliyin bərpası..”, ÖZEL

Millət vəkili Məşhur Məmmədov,

Ulu Öndərin siyasi hakimiyyətə qayıdışı milli dövlətçiliyin bərpası istiqamətində qəti addımların atılmasına gətirib çıxardı.

1990-cı il iyulun 20-də Bakıya qayıdan Heydər Əliyev iki gün sonra 22 iyul tarixində Naxçıvana yola düşdü. 30 sentyabr 1990-cı il tarixində Azərbaycan SSR və Naxçıvan MSSR Ali Sovetlərinə deputat seçildi.

Fenomen şəxsiyyət Naxçıvanda milli qurtuluşun, milli dövlətçilik quruculuğunun təməllərini özünün zəngin təcrübəsinə və Naxçıvanda daim yaşadılan qədim Azərbaycan dövlətçilik ənənələrinə əsaslanaraq atıb. Bu da təsadüfi deyildi. Çünki Ulu Öndər uzun illər Azərbaycan Respublikasına bacarıqla rəhbərlik edib, dünyanın iki nəhəng dövlətindən biri kimi tanınan Sovet İttifaqının aparıcı dövlət xadimlərindən biri olub. Bütün bunlarla yanaşı, Azərbaycanın qədim dövlətçilik ənənələrinə dərindən bələd olub, milli ideologiyanın əsasını qoyub, milli maraqlarımızın məğlubedilməz müdafiəçisinə çevrilib.

 

Naxçıvanda həyata keçirilən demokratik tədbirlər bütün Azərbaycana nümunə olmuşdu. Heydər Əliyev Azərbaycan SSR Ali Sovetinin 1991-ci il fevralın 5-də açılmış sessiyasındakı çıxışında mövcud siyasi vəziyyəti əhatəli təhlil etdi, böhranın, habelə Dağlıq Qarabağ münaqişəsinin səbəblərini, SSRİ və respublika rəhbərlərinin yol verdiyi ciddi qüsurları və onları aradan qaldırmağın, təcavüzkar Ermənistana qarşı müdafiə mövqeyindən çıxıb birlikdə mübarizə aparmağın vacibliyini qeyd etdi. Onun çağırışını xalq ruh yüksəkliyi ilə qarşıladı. Həmin sessiyada dövlətin adı dəyişdirilərək “Azərbaycan Respublikası” adlandırıldı, Azərbaycan Xalq Cümhuriyyətinin bayrağı dövlət bayrağı kimi təsdiq olundu.

Ulu Öndər Heydər Əliyev 1991-ci il iyulun 19-da Kommunist Partiyasından çıxdı. Xalq imperiyanın bərpası üçün cəhdlərə onun bu qəti etirazını razılıqla qarşıladı. 1991-ci il avqustun 26-dan Naxçıvan Muxtar Respublikası ərazisində Azərbaycan Kommunist Partiyasının fəaliyyəti dayandırıldı, onun bütün strukturları ləğv edildi. 1991-ci il avqustun 30-da Azərbaycan Respublikası Ali Sovetinin xalqın tələbi ilə çağırılmış növbədənkənar sessiyasında Ulu Öndər Heydər Əliyev Azərbaycanın müstəqilliyinin elan olunması təklifi ilə çıxış etmişdir.

Bunun nəticəsində həmin sessiyada “Azərbaycan Respublikasının dövlət müstəqilliyini bərpa etmək haqqında” Bəyannamə qəbul edildi. Həmin ilin oktyabr ayının 18-də isə Ali Sovet “Azərbaycan Respublikasının dövlət müstəqilliyi haqqında Konstitusiya Aktı”nı qəbul etdi.

 

Bununla da Ulu Öndərin milli dövlətçiliyin bərpası üçün danılmaz fəaliyyətinin təməli qoyuldu. Ulu Öndərin siyasi hakimiyyətə qayıdışı milli dövlətçiliyin bərpası istiqamətində qəti addımların atılmasına gətirib çıxardı.

 

Ümummilli lider Heydər Əliyevin fəaliyyəti, onun iradəsi ilə qəbul olunmuş qərarlar müstəqillik tariximizin ən parlaq səhifələrini təşkil edir. 1993-cü ilin may-iyun aylarında ölkədə vətəndaş müharibəsi və müstəqilliyin itirilməsi təhlükəsi yarandığına görə, Azərbaycan xalqı Heydər Əliyevin hakimiyyətə gətirilməsi tələbini irəli sürdü və ölkənin o dövrkü rəhbərliyi onu Bakıya dəvət etməyə məcbur oldu. Heydər Əliyev 1993-cü il iyunun 15-də Azərbaycan Respublikası Ali Sovetinin sədri seçildi, iyunun 24-dən isə Azərbaycan Respublikası Prezidentinin səlahiyyətlərini həyata keçirməyə başladı. 1993-cü il oktyabrın 3-də ümumxalq səsverməsi nəticəsində Heydər Əliyev Azərbaycan Respublikasının Prezidenti seçildi.

Azərbaycanın siyasi tarixində parlaq iz qoymuş bu böyük şəxsiyyətin Naxçıvanda yenidən siyasi hakimiyyətə qayıdışı, deputat, sonralar isə Naxçıvan Muxtar Respublikasının rəhbəri kimi fəaliyyət göstərməsi Naxçıvandan başlanan müstəqillik yolunun bütün Azərbaycan siyasi mühitində aparıcı qüvvəyə çevrilməsinə, milli dövlətçiliyin bərpası istiqamətində qəti addımların atılmasına gətirib çıxardı. O vaxt ulu öndərin təklifi ilə “sovet sosialist” sözləri muxtar respublikanın adından çıxarıldı. Naxçıvanda ilk dəfə olaraq 1990-cı illərdə Azərbaycan Xalq Cümhuriyyətinin bayrağı dövlət bayrağı kimi qəbul edildi və Azərbaycanın Ali Soveti qarşısında vəsatət qaldırıldı ki, Azərbaycan dövləti də bu bayrağı rəsmi dövlət bayrağı kimi təsdiq etsin. 1991-ci ildə Sovet İttifaqının saxlanması üçün keçirilən qanunsuz referendumda Naxçıvan iştirak etmədi. Bu addımlar ondan sonrakı dövrdə Azərbaycanın dövlət müstəqilliyini şərtləndirdi.

 

Öz müstəqilliyini bərpa edən Azərbaycan məhz o dövrdə demokratik, hüquqi, dünyəvi dövlətin möhkəm təməlini qoymuşdur. Bu müddət ərzində Azərbaycan xalqı öz müstəqil dövlətinin Konstitusiyasını qəbul etmiş, qanunvericiliyini, hakimiyyətin bölünmə prinsiplərini, hüquq normalarını dünya standartlarına uyğunlaşdıraraq digər dövlətlərlə hərtərəfli əməkdaşlığa hazır olduğunu nümayiş etdirmişdir. Bu illər ərzində bütün sahələri əhatə edən köklü dəyişikliklər və dərin islahatlar həyata keçirilmişdir.

Ülker Piriyeva/ Azerbaycan

]]> Qahirədə “Heydər Əliyev İli” çərçivəsində məqalə müsabiqəsinin qalibləri mükafatlandırılıb https://rizegungazetesi.com/qahir%c9%99d%c9%99-heyd%c9%99r-%c9%99liyev-ili-c%c9%99rciv%c9%99sind%c9%99-m%c9%99qal%c9%99-musabiq%c9%99sinin-qalibl%c9%99ri-mukafatlandirilib-h49015.html Mon, 28 Aug 2023 15:45:17 +0000 https://1453kralmedya.com/qahir%c9%99d%c9%99-heyd%c9%99r-%c9%99liyev-ili-c%c9%99rciv%c9%99sind%c9%99-m%c9%99qal%c9%99-musabiq%c9%99sinin-qalibl%c9%99ri-mukafatlandirilib-h49015.html

 

 

 

Qahirədə “Heydər Əliyev İli” çərçivəsində məqalə müsabiqəsinin qalibləri mükafatlandırılıb

, 2023

 

 

 

Qahirədə “Heydər Əliyev İli” çərçivəsində məqalə müsabiqəsinin qalibləri mükafatlandırılıb
Qahirə şəhərində fəaliyyət göstərən Misir-Azərbaycan Dostluq Cəmiyyətinin ofisində müasir Azərbaycan dövlətinin qurucusu Heydər Əliyevin anadan olmasının 100 illiyinə həsr olunmuş “Azərbaycan və onun görkəmli şəxsiyyətləri” adlı məqalə müsabiqəsinin bağlanış mərasimi keçirilib.

Mərasimdə Azərbaycanın Misirdəki səfirlyinin, Azərbaycan Milli Məclisinin və yerli ictimaiyyətin nümayəndələri iştirak ediblər.

 

 

 

Tədbir iştirakçılarını salamlayan cəmiyyətin sədri, Ərəb ölkələri üzrə Azərbaycanlıların Koordinasiya Şurasının Misirdəki koordinatoru, tədqiqatçı-alim Seymur Nəsirov bildirib ki, “Azərbaycan və onun görkəmli şəxsiyyətləri” adlı məqalə müsabiqəsi “Heydər Əliyev İli” çərçivəsində start verilmiş silsilə layihələrdən biridir. Azərbaycanın dahi şəxsiyyətinin həyat və fəaliyyətindən bəhs edən cəmiyyət sədri ölkəmizdə 30 il öncə baş verən ictimai-siyasi proseslərin canlı şahidi olduğunu xatırladıb. Bildirib ki, böyük risklərə və təhlükələrə baxmayaraq, Heydər Əliyev olduqca mürəkkəb dövrdə xalqın qurtuluşu missiyasını cəsarətlə öz üzərinə götürüb. Misli görünməmiş məharətlə Azərbaycanın vətəndaş qarşıdurmasına, parçalanmaya sürüklənməsinin qarşısını alıb, dövlətimizin müstəqilliyinin qorunub saxlanılmasına və dönməz xarakter almasına nail olub.

Tədbirdə çıxış edən Azərbaycanın Misirdəki fövqəladə və səlahiyyətli səfiri Elxan Poluxov bildirib ki, xalqımızın görkəmli övladının 100 illik yubileyinin Misirdə geniş şəkildə qeyd olunması əlamətdar hadisədir. Çünki məhz Heydər Əliyev müasir Azərbaycanın Misir və ərəb dünyası ilə münasibətlərinin təməlini qoyan dahi şəxsiyyət olub. Bu məqam sübut edir ki, ulu öndər uzaqgörənliklə ərəb və müsəlman dünyası ilə siyasətin gələcəyini görürdü. “İndiki yüksəliş istiqamətində inkişaf edən əlaqələr bunun əyani sübutudur. Ümummilli liderin siyasi kursunun layiqli davamçısı Prezident İlham Əliyev öz ardıcıl addımları sayəsində münasibətlərimizi yeni zirvələrə qaldırmağa nail olub”.

 

 

 

Azərbaycan Milli Məclisinin üzvü, Azərbaycan-Misir parlamentlərarası əlaqələr üzrə işçi qrupunun rəhbəri Ceyhun Məmmədov müsabiqə iştiraakçılarını təbrik edib. Belə tədbirlərin Heydər Əliyev irsinin təbliğı, gələcək nəsillərə çatdırılması, iki dost ölkə arasında əlaqələrin inkişafı baxımından xüsusi əhəmiyyət daşıdığına diqqətə çatdırıb. Ulu öndərin müsəlman ölkələri ilə münasibətlərə hər zaman xüsusi həssaslıqla yanaşdığını, 90-cı illərin əvvəllərində müstəqil Azərbaycan dövlətinin rəhbəri kimi Misirə rəsmi səfəri ilə iki ölkə arasında əlaqələrin möhkəmləndirilməsinə mühüm töhfələr verdiyini xatırladıb. Prezident İlham Əliyevin də Misirə rəsmi səfəri zamanı bu əlaqələrin yeni mərhələyə qədəm qoymasına nail olduğu, Misir Prezidenti Əbdülfəttah Əs-Sisinin bu ilin əvvəlində Azərbaycana rəsmi səfərinin də bu baxımdan əlamətdar hadisə olduğu vurğulanıb.

 

 

 

Onun sözlərinə görə, hazırda iki ölkənin parlamentləri arasında əlaqələr sürətlə inkişaf edir. Milli Məclisin sədri Sahibə Qafarovanın Misirə səfəri, eləcə də Misir Senatı və Nümayəndələr Palatası sədrlərinin Azərbaycana səfəri bu istiqamətdə münasibətlərin möhkəmləndirilməsinə xidmət edir.

Sonra iyul ayında elan edilmiş müsabiqənin qaliblərinin adları açıqlanıb. 6 qalibə pul mükafatı və müsabiqə iştirakçılarına diplomlar təqdim edilib. Diasporla İş üzrə Dövlət Komitəsinin dəstəyilə müsabiqənin 5 qalibinin Azərbaycana səfəri nəzərdə tutulur.

Qeyd edək ki, müsabiqənin nəticələri ərəb mətbuatında geniş işıqlandırılıb.

https://alan-eg.com/2023/08/20/الجالية-الأذربيجانية-بالقاهرة-تحتفل/

الجالية الأذربيجانية بالقاهرة تحتفل بمئوية الزعيم القومية حيدر علييف

تكريم الفائزين فى مسابقات “الصداقة المصرية الأذربيجانية”.. بالمقطم

جمعية الصداقة المصرية الأذربيجانية بالذكرى المائة لميلادالزعيم حيدر علييف

https://m.gomhuriaonline.com/Gomhuria/1318970.html

مسابقات ودورات تدريبية.. جهود كبيرة لجمعية الصداقة المصرية الأذربيجانية في القاهرة

احتفالا بمؤية الزعيم القومي الأذربيجاني حيدر علييف.. جمعية الصداقة المصرية الأذربيجانية تكرم الفائزين فى مسابقات عدة

جمعية الصداقة المصرية الاذربيجانية تحتفل بالذكري المائة لميلاد الزعيم القومي حيدر علييف

تكريم الفائزين فى مسابقات “الصداقة المصرية الأذربيجانية”.. بالمقطم

https://m.facebook.com/story.php?story_fbid=pfbid02cSYEkcmFXX5WE6fQTnyC5Kie9j3tLK3DdiUggCF2awUC36JR4iS3xJ2WQWz1KTN6l&id=100063919058628&sfnsn=scwspwa&mibextid=VhDh1V

جمعية الصداقة المصرية الأذربيجانية تحتفل بمرور مائة عام على ميلاد الزعيم القومي الأذربيجاني حيدر عليف

“الصداقة المصرية الأذربيجانية” تحتفل بمئوية “الزعيم القومي الأذربيجاني”

مسابقات عدة في أنشطة مختلفة لجمعية الصداقة المصرية الأذربيجانية

جمعية الصداقة المصرية الأذربيجانية تحتفي بالذكرى المئوية لميلاد الزعيم القومي الأذربيجاني حيدر علييف

https://alqraralaraby.com/%D8%AE%D8%A8%D8%B1/%D8%AA%D9%83%D8%B1%D9%8A%D9%85-%D8%A7%D9%84%D9%81%D8%A7%D8%A6%D8%B2%D9%8A%D9%86-%D9%81%D9%89-%D9%85%D8%B3%D8%A7%D8%A8%D9%82%D8%A7%D8%AA-34;%D8%A7%D9%84%D8%B5%D8%AF%D8%A7%D9%82%D8%A9-%D8%A7%D9%84%D9%85%D8%B5%D8%B1%D9%8A%D8%A9-%D8%A7%D9%84%D8%A3%D8%B0%D8%B1%D8%A8%D9%8A%D8%AC%D8%A7%D9%86%D9%8A%D8%A934;..-%D8%A8%D8%A7%D9%84%D9%85%D9%82%D8%B7%D9%85/212548

Celebrating the birthday of the Azerbaijani national leader Heydar Aliyev.. The Egyptian-Azerbaijani Friendship Association honors its winners of several competitions of free charges

جمعية الصداقة المصرية الأذربيجانية تحتفل بمئوية الزعيم حيدر علييف

FOTO QALEREYA

 

dostların arasında bunu ilk tövsiyyə edən sən ol
DIGƏR XƏBƏRLƏR

kaynak:https://diaspor.gov.az/az/news-detail/qahirede-heyder-eliyev-ili-cercivesinde-meqale-musabiqesinin-qalibleri-mukafatlandirilib-3402

 

 

]]> Heydər Əliyevin 100 illiyinə həsr olunmuş “Qardaşlaşmış Qarabağ Məktəbləri” layihəsi başa çatıb https://rizegungazetesi.com/heyd%c9%99r-%c9%99liyevin-100-illiyin%c9%99-h%c9%99sr-olunmus-qardaslasmis-qarabag-m%c9%99kt%c9%99bl%c9%99ri-layih%c9%99si-basa-catib-h48706.html Sun, 20 Aug 2023 18:25:30 +0000 https://1453kralmedya.com/heyd%c9%99r-%c9%99liyevin-100-illiyin%c9%99-h%c9%99sr-olunmus-qardaslasmis-qarabag-m%c9%99kt%c9%99bl%c9%99ri-layih%c9%99si-basa-catib-h48706.html

 

 

 

 

 

 

 

 

 

 

Heydər Əliyevin 100 illiyinə həsr olunmuş “Qardaşlaşmış Qarabağ Məktəbləri” layihəsi başa çatıb

, 2023

 

 

 

 

 

Heydər Əliyevin 100 illiyinə həsr olunmuş “Qardaşlaşmış Qarabağ Məktəbləri” layihəsi başa çatıb

Azərbaycan Diasporuna Dəstək Fondunun Heydər Əliyevin 100 illiyinə həsr olunmuş “Qardaşlaşmış Qarabağ Məktəbləri” layihəsinə yekun vurulub.

Layihə 7-13 avqust 2023-cü il tarixlərində İsveçrədə baş tutub. Layihə çərçivəsində Azərbaycanın işğaldan azad edilmiş Ağdam, Şuşa, Laçın, Cəbrayıl, Füzuli, Zəngilan şəhər məktəblərinin şagirdləri İsveçrədə fəaliyyət göstərən “Qarabağ” həftəsonu məktəbinin şagirdləri ilə birlikdə “Juvenat” düşərgəsində yerləşiblər. Layihədə Azərbaycandan 17 şagird və 2 müəllim, İsveçrədən 11 şagird və 2 müəllim iştirak edib. Düşərgəyə “Azərbaycanlıların İsveçrədəki Mədəniyyət Mərkəzi”nin rəhbəri Qasım Nəsirov rəhbərlik edib.

 

 

 

 

Düşərgə zamanı şagirdlər Qarabağın tarixi haqqında məlumatlandırılıb, mədəni-maarifləndirici panellərdə iştirak edib, Bern, Balenberq və digər şəhərlərin görməli yerləri ilə tanış olub, İsveçrə parlamentinə, müxtəlif muzeylərə səfər edib, təbiət gəzintiləri, əyləncəli oyunları və təcrübə mübadiləsi ilə məşğul olub.

Xatırladaq ki, bu layihənin icrasına ötən ildən başlanılıb. Layihə çərçivəsində İsveçrədə fəaliyyət göstərən həftəsonu məktəbinin şagirdləri ilə məcburi köçkün və şəhid ailələrinin övladları 18-24 iyul 2022-ci il tarixində Bakının Xəzər rayonunun Şüvəlan qəsəbəsində yerləşən “Cırtdan” Respublika Uşaq İstirahət və Sağlamlıq Mərkəzində təlimlər keçiblər.

 

 

 

Layihədə İsveçrədən 10 şagird və 2 təlimçi, yerli məktəblərdən 14 şagird və 2 təlimçi iştirak edib. Hər iki layihə “Azərbaycanlıların İsveçrədəki Mədəniyyət Mərkəzi”nin rəhbəri Qasım Nəsirov, Laçın rayon Kamallı kənd tam orta məktəbinin Azərbaycan dili və ədəbiyyatı müəllimi Ülviyyə Quluyeva, Ağdam rayon 88 N-li məktəbin ingilis dili müəllimi Ceyhunə Əliyeva və İsveçrədə Qarabağ məktəbinin müəllimi Leyla Bağırzadənin iştirakı ilə baş tutub. Bir həftə ərzində mədəni-maarifləndirici panellərdə iştirak edən şagirdlərin ölkəmizin dilbər guşələrinə, muzeylərə səyahəti təmin edilib. Eyni zamanda daimi kommunikasiya və şəbəkələşmə ilə yanaşı, Azərbaycan dili təlimləri keçirilib.

 

 

 

Bu layihə Prezident İlham Əliyevin ölkəmizin mədəniyyət paytaxtı Şuşada keçirilmiş Dünya Azərbaycanlılarının V Qurultayında çıxışı zamanı həftəsonu məktəblərinin açılması istiqamətində fəaliyyətin gücləndirilməsi, bütün Azərbaycan vətəndaşlarını birləşdirən Ana dilinin daim təbliğ olunması tövsiyələri çərçivəsində gerçəkləşdirilib.

 

 

 

Xatırladaq ki, Birinci vitse-prezident Mehriban xanım Əliyevanın təşəbbüsü və tapşırığı ilə bir neçə ildir xarici ölkələrdə həftəsonu Azərbaycan məktəblərinin qurulması prosesinə başlanılıb. Bu məktəblərin məqsədi azərbaycanlı uşaqlara ana dilini, ədəbiyyatını, tarixini, mədəniyyətini tədris etməklə yanaşı, milli kimliklərini qoruyub saxlamaq naminə ölkəmizlə bağlı həqiqətləri də onlara indidən aşılamaqdır.

FOTO QALEREYA

 

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/heyder-eliyevin-100-illiyine-hesr-olunmus-qardaslasmis-qarabag-mektebleri-layihesi-basa-catib-3371

]]> İğdırda yeni məktəbəqədər təhsil müəssisəsinə Şuşa adı verilib https://rizegungazetesi.com/igdirda-yeni-m%c9%99kt%c9%99b%c9%99q%c9%99d%c9%99r-t%c9%99hsil-mu%c9%99ssis%c9%99sin%c9%99-susa-adi-verilib-h48186.html Fri, 04 Aug 2023 09:14:35 +0000 https://1453kralmedya.com/igdirda-yeni-m%c9%99kt%c9%99b%c9%99q%c9%99d%c9%99r-t%c9%99hsil-mu%c9%99ssis%c9%99sin%c9%99-susa-adi-verilib-h48186.html

 

 

 

 

İğdırda yeni məktəbəqədər təhsil müəssisəsinə Şuşa adı verilib

 

, 2023

 

 

 

 

İğdırda yeni məktəbəqədər təhsil müəssisəsinə Şuşa adı verilib

 

 

 

 

 

Türkiyənin İğdır şəhərindəki Topçular məhəlləsində tikintisi başa çatmış yeni məktəbəqədər təhsil müəssisəsinə (anaokul) Şuşa adı verilib.

 

 

 

 

 

İğdırdakı Heydər Əliyev adına Fənn Liseyinin qarşısında yerləşən bu uşaq bağşasına Azərbaycanın və türk dünyasının mədəniyyət paytaxtı Şuşa şəhərinin adının verilməsi təklifini diaspor fəalı, “Yeşil İğdır” qəzetinin baş redaktoru Cabbar Şıktaş irəli sürüb.

 

 

 

 

Baş redaktorun bu barədə İğdır valisi Hüseyn Engin Sarıibrahimə müraciəti təqdirlə qarşılanıb və Şuşa adının uşaq bağçasına verilməsi barədə qərar qəbul edilib.

 

 

 

 

 

İğdır valisi Hüseyn Engin Sarıibrahim bildirib ki, 44 günlük Zəfər savaşından sonra azadlığına qovuşan Qarabağın Şuşa şəhərində Türkiyə və Azərbaycan Prezidentləri Rəcəb Tayyib Ərdoğanla İlham Əliyevin imzaladıqları Şuşa Bəyannaməsi ilə dünyaya çox anlamlı mesajlar verilib. “Bu il Şuşa şəhəri türk dünyasının mədəniyyət paytaxtı elan edililib. Heydər Əliyev Fənn Liseyinin qarşısında Şuşa adlı uşaq bağçasının olması gözəl fikirdir. Şuşa Uşaq Bağçası şəhərimizə xeyirli olsun!”, – deyə vali söyləyib.

 

 

 

 

 

Cabbar Şıktaş qərara görə valiyə təşəkkürünü bildirib. 30 il işğal altında saxlanılan Şuşa şəhərinin Vətən müharibəsi və qardaş həmrəyliyi nəticəsində azad Şuşaya çevrildiyini xatırladıb. “Bir millət, iki dövlət” liderlərinin dosta güvən, düşmənə qorxu yaşatdığını xatırladan baş redaktor qeyd edib ki, Xocalı bizim ağrılarımızın ərşə çıxmasının rəmzi, Şuşa isə qələbəmizin, Vətən uğrunda gözlərini qırpmadan şəhadətə gedən igidlərimizin qəhrəmanlığının rəmzidir.

 

 

 

 

 

 

Qeyd edək ki, Topçular məhəlləsində inşa edilmiş Şuşa uşaq bağçası 8 sinif otağına malikdir və 160 yerlikdir. Məktəb müdiri Fatma Kurt bildirib ki, qəbul üçün hazırlıqlar davam edir.

Şuşa uşaq bağçasının lövhəsi rəsmi prosedurlar başa çatdıqdan sonra asılacaq.

FOTO QALEREYA

 

 

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/igdirda-yeni-mektebeqeder-tehsil-muessisesine-susa-adi-verilib-3305

 

 

]]> Başqırdıstanda “Heydər Əliyev İli” çərçivəsində silsilə tədbirlər keçirilib https://rizegungazetesi.com/basqirdistanda-heyd%c9%99r-%c9%99liyev-ili-c%c9%99rciv%c9%99sind%c9%99-silsil%c9%99-t%c9%99dbirl%c9%99r-kecirilib-h46208.html Wed, 07 Jun 2023 18:15:04 +0000 https://1453kralmedya.com/basqirdistanda-heyd%c9%99r-%c9%99liyev-ili-c%c9%99rciv%c9%99sind%c9%99-silsil%c9%99-t%c9%99dbirl%c9%99r-kecirilib-h46208.html

 

 

 

Başqırdıstanda “Heydər Əliyev İli” çərçivəsində silsilə tədbirlər keçirilib
2023
Başqırdıstanda “Heydər Əliyev İli” çərçivəsində silsilə tədbirlər keçirilib

Rusiya Federasiyası Başqırdıstan Respublikasının (BR) Ufa şəhərində müasir Azərbaycan dövlətinin qurucusu, görkəmli siyasi və dövlət xadimi Heydər Əliyevin anadan olmasının 100 illiyi münasibətilə silsilə tədbirlər keçirilib.

BR Dövlət Məslisi – Qurultayın təşkilatçılığı və “BR Azərbaycan Mədəniyyət Mərkəzi”nin iştirakı ilə 24-27 may 2023-cü il tarixində baş tutan tədbirlərdə bu respublikada səfərdə olan Azərbaycan Milli Məclisinin (MM) deputatı Sabir Hacıyev, Diasporla İş üzrə Dövlət Komitəsinin (DİDK) şöbə müdirinin müavini Əli Baytalov, AzTV-nin analitik qrupunun rəhbəri Faiq Hüsiyev, yerli hökumətin, parlamentin, ictimaiyyətin və Azərbaycan diasporunun nümayəndələri iştirak ediblər.

Öncə Ufa Dövlət Neft Texniki Universitetində Azərbaycan Respublikası auditoriyasının təntənəli açılış mərasimi keçirilib. Bu auditoriya həmin universitetin azərbaycanlı məzunu, BR əməkdar inşaatçısı, iş adamı Əyyub Bəbirovun maliyyə dəstəyi və Sumqayıt Dövlət Universitetinin layihəsi əsasında yaradılıb.

Tədbir iştirakçılarını salamlayan rektor Oleq Baulin Azərbaycan Respublikası auditoriyasını “universitetin ürəyi” adlandırıb.

 

 

 

 

 

 

MM üzvü Sabir Hacıyev “Heydər Əliyev İli”ndə bu auditoriyanın açılmasını əlamətdar hadisə kimi dəyərləndirib: “Düşünürəm ki, Heydər Əliyev bu gözəl auditoriyanı görsəydi, dizaynı çox bəyənərdi. Biz fəxr edirik ki, universitetin Azərbaycan Respublikası adlandırılmış auditoriyası var”.

Sonra “Başqırdıstan-Azərbaycan körpüsü” adlı sərginin açılış mərasimi keçirilib. Sərgidə Lira Süleyman, Nailə Bavalı, Nərgiz Quluzadə və Nəzrin Məmmədova kimi azərbaycanlı rəssamların da rəsm əsərləri nümayiş etdirilib.

“Heydər Əliyev İli” çərçivəsində DİDK-nın şöbə müdirinin müavini Əli Baytalovla Xalqlar Dostluğu Evində görüş keçirilib. “BR Azərbaycan Mədəniyyət Mərkəzi”nin sədri Qabil Məmmədovun təqdim etdiyi videohesabatda mərkəzin fəaliyyəti, yerli əhalinin Azərbaycanla bağlı məlumatlandırılması istiqamətində həyata keçirilən layihələr, Xalqlar Dostluğu Evi ilə birgə təşkil edilən mədəni tədbirlər öz əksini tapıb.

Tədbirdə Xalqlar Dostluğu Evinin direktoru Flyuza Qaysina və digər milli-mədəni muxtariyyətlərin rəhbərləri çıxış ediblər. Azərbaycan icması ilə əməkdaşlıq münasibətlərindən danışan soydaşlarımızın fəaliyyətini yüksək qiymətləndiriblər.

Görüş iştirakçılarını salamlayan DİDK şöbə müdirinin müavini Azərbaycanın görkəmli oğlu Heydər Əliyevin xatirəsini ehtiramla yad etdiklərinə və öz xalqlarının mədəniyyətini dəstəklədiklərinə görə icmamıza, Xalqlar Dostluğu Evinin rəhbərliyinə və respublikada yaşayan digər millətlərin nümayəndələrinə təşəkkürünü bildirib. Azərbaycan dövlətinin diaspor siyasəti, Komitənin fəaliyyət istiqamətləri, həyata keçirdiyi layihələr barədə ətraflı məlumat verib. Görüşün sonunda Heydər Əliyevin 100 illiyinə həsr olunmuş videoçarx nümayiş etdirilib.

 

 

 

 

Daha sonra mərkəzin nəzdindəki rəqs və idman dərnəklərinin fəaliyyəti ilə tanışlıq olub. Rəqs dərnəyində müxtəlif millətləri təmsil edən 89 uşaq və gəncin Azərbaycan rəqsləri ilə məşğul olduğu barədə qonağa məlumat verilib. Dərnək üzvlərinin ifasında “Yallı”, “Tərəkəmə” və “Naz eləmə” rəqsləri nümayiş etdirilib. Azərbaycanlı uşaqların məşq etdiyi “”Karate Kyokushinkai RB” idman klubunda isə yarışlarda yüksək nəticələr əldə edən 8 idmançıya Komitənin adından fəxri fərman verilib.

“Heydər Əliyev İli” çərçivəsində Azərbaycan icması ilə ikinci görüş Rusiya Hüquqşünasları Gildiyasında baş tutub. Gildiyanın BR üzrə vitse-prezidenti Valeh Abbasovun moderatorluğu ilə baş tutan görüşdə BR Dövlət Assambleyası – Qurultay sədrinin müavini Rüstəm Əhmədinurovun təbrik məktubu oxunub. Məktubda ölkəmizlə iqtisadi əməkdaşlığın əhəmiyyəti, Başqırdıstanda 15-20 minə yaxın azərbaycanlının yaşadığı, 2022-ci ildə Azərbaycanla ticarət dövriyyəsinin 85% artaraq 92 milyon dollara çatdığı vurğulanıb.

 

 

 

 

Tədbirdə uzun illərdir Başqırdıstanda yaşayan və respublikanın rifahı üçün çoxlu işlər görmüş azərbaycanlıların ünvanına minnətdarlıq ifadə olunub. “Azərbaycan Mədəniyyət Mərkəzi”nin sədri Qabil Məmmədov, mərkəzin idarə heyətinin sədri Mətanət Əmrahova, “Azərbaycan Xalqının Dostluq Evi”nin rəhbəri Rəna İbrahimova təşkilatların fəaliyyət istiqamətlərini əks etdirən videotəqdimatlarla çıxış ediblər.

Tədbirlər silsiləsi “qara qızıl” hasilatına görə “ikinci Bakı” adlandırılan İşimbay şəhərində başqırd və Bakı neftçilərinin xatirəsinə ucaldılacaq abidənin təməlqoyma mərasiminin keçirilməsi ilə başa çatıb. Mərasimdə çıxış edən İşimbay şəhərinin icra başçısı Azat İşemqulov başqırd neftinin tarixindən danışarkən bakılı neftçilərin 702-ci quyudan ilk başqırd sənaye neftinin çıxarılmasında böyük rolunu xatırladıb: “Bu gün dostluğun davam etdiyini görürük. Azərbaycanlı həmkarlarımıza və dostlarımıza tarixi yaddaşı qoruduqlarına, dövlətlərimiz və xalqlarımız arasında saldıqları dostluq körpüsünə görə işimbaylılar adından təşəkkür edirəm”.

 

 

 

 

Qeyd edək ki, bu abidənin ucaldılması və onun ətrafındakı meydanın abadlaşdırılması həmvətənimiz Əyyub Bəbirovun maliyyə dəstəyi ilə həyata keçiriləcək. Abidənin gələn ilin may ayında açılması nəzərdə tutulub.

FOTO QALEREYA

 

 

 

 

 

 

dostların arasında bunu ilk tövsiyyə edən sən ol
DIGƏR XƏBƏRLƏR

Kaynak:https://diaspor.gov.az/az/news-detail/basqirdistanda-heyder-eliyev-ili-cercivesinde-silsile-tedbirler-kecirilib-3064

 

 

]]> Azərbaycan Millət vəkili Məşhur Məmmədov, “ Azərbaycançılıq ideologiyasının banisi”, Özel https://rizegungazetesi.com/az%c9%99rbaycan-mill%c9%99t-v%c9%99kili-m%c9%99shur-m%c9%99mm%c9%99dov-az%c9%99rbaycanciliq-ideologiyasinin-banisi-ozel-h44708.html Tue, 02 May 2023 18:22:16 +0000 https://1453kralmedya.com/az%c9%99rbaycan-mill%c9%99t-v%c9%99kili-m%c9%99shur-m%c9%99mm%c9%99dov-az%c9%99rbaycanciliq-ideologiyasinin-banisi-ozel-h44708.html

Azərbaycan Millət vəkili Məşhur Məmmədov, “
Azərbaycançılıq ideologiyasının banisi”, Özel

 

Milli Məclisin deputatı
Məşhur Məmmədov,

 

Azərbaycançılıq ideologiyasının banisi

Ümummilli lider Heydər Əliyevin respublikamıza rəhbərlik etdiyi illər iki müxtəlif tarixi dövrə təsadüf edir. Bu dövrlərin fərqliliyi təkcə zaman kəsiyi səbəbilə deyil, həm də ölkənin mövcud olduğu müxtəlif, daha dəqiq desək, antoqonist ictimai-siyasi formasiyaların mahiyyətlərindəki ziddiyyətlər əsasında formalaşmışdı. Belə çətin dövrlərdə ulu öndər Heydər Əliyevin fəaliyyəti bilavasitə Azərbaycan xalqının maraqlarına xidmət etmiş və nəticə etibarı ilə müasir müstəqil Azərbaycan dövlətinin qurulması üçün dayanıqlı əsasların yaradılmasını təmin etmişdir.

Müstəqillik ideyasının əsasında duran vacib hərəkətverici qüvvələrdən biri də milli ideologiya amilidir. Bu gün bütün dünya azərbaycanlıları üçün vahid birləşdirici faktor olan azərbaycançılıq ideologiyasının əsasını qoymaqla, ulu öndər milli-mənəvi dəyərlər sistemimizi daha da gücləndirmiş, itirilməkdən xilas etmişdir. Milli-mənəvi dəyərlərimizə qayıdışın və milli oyanışın xalqımız üçün gərəkliliyini nəzərə alan, hər zaman bu məsələni diqqət mərkəzində saxlayan ümummilli lider Heydər Əliyev bu sahədə inqilabi addımların atılmasına zəmin yaratmışdır. Ulu öndər milli-mənəvi dəyərlərimizi təkcə milli varlığımızın deyil, həm də dövlət quruculuğu prosesinin mühüm atributu hesab edirdi. Mənsub olduğu xalqın tarixi keçmişinə, mənəvi irsinə və milli dəyərlər sisteminə ən yüksək dəyər verən ulu öndər deyirdi: “Hər xalqın özünə, öz tarixi köklərinə, əcdadları tərəfindən yaradılmış milli-mənəvi dəyərlərinə bağlılığı böyük amildir. Biz də indi dünyanın mütərəqqi mənəvi dəyərlərindən istifadə edərək, xalqımızın mədəni səviyyəsini daha da inkişaf etdirərək, gənc nəsli daha da sağlam əhvali-ruhiyyədə, saf əxlaqi əhvali-ruhiyyədə tərbiyələndirməliyik”.
Ulu öndər Heydər Əliyevin azərbaycançılıq məfkurəsinin fəlsəfi, siyasi mənası olduqca dərindir. Azərbaycançılıq milli həmrəyliyi, bütövlüyü təmin edən, milli təəssübkeşlik və vətənpərvərlik hissini gücləndirən məfkurədir. Ümummilli Liderin müəllifi olduğu, sistemləşdirdiyi azərbaycançılıq ideologiyası təkcə bu ölkənin ərazisində yaşayan insanları yox, eyni zamanda, bütün dünyada məskunlaşan azərbaycanlıları əhatə edərək dünya azərbaycanlılarının milli istinad mənbəyinə çevrilib.

“Biz hamımız azərbaycanlıyıq, hamımızın dilimiz var, hamımız da bu azərbaycanlılığı anadangəlmə qəbul etmişik”, – deyən ulu öndər Heydər Əliyevin şah əsəri müasir müstəqil Azərbaycan dövlətidir. Müasir müstəqil Azərbaycan dövlətinin ideya əsaslarını da azərbaycançılıq ideologiyası təşkil edir.

Bu gün Heydər Əliyev və Azərbaycan sözləri hər bir azərbaycanlı üçün müəyyən mənada eyni məna daşıyan sözlərdir. Birmənalı şəkildə demək olar ki, Heydər Əliyev olmasaydı müasir müstəqil, qüdrətli Azərbaycan dövləti də olmazdı. Ulu Öndərin Azərbaycana rəhbərlik etdiyi 30 ilin hər bir ili görülən işlər və əldə olunan nailiyyətlərə görə əhəmiyyətli il olub. Bəşər tarixində nadir insanlar var ki, onların həyat və fəaliyyəti bütün millətin və xalqın, dövlətin taleyini həll etmiş olsun. Heydər Əliyev Azərbaycan xalqının ümummilli lideri kimi tarixə həkk olub. Ulu Öndərin Azərbaycan qarşısında ən böyük xidmətlərindən biri müasir müstəqil dövlətimizin yaradılması və inkişaf etdirilməsi olub. Ulu öndər milli-mənəvi dəyərlərimizi təkcə milli varlığımızın yox, həm də siyasi varlığımızın – dövlət quruculuğu prosesinin mühüm atributu hesab edərək mənsub olduğu xalqın tarixi keçmişinə, mənəvi irsinə və milli dəyərlər sisteminə sönməz məhəbbət hissi ilə yanaşırdı. Ulu öndər azərbaycançılıq məfkurəsinin prinsiplərini bəyan etməklə ölkəmizin inkişafı və tərəqqisi üçün işıqlı yolun təməlini qoydu.

Ümummilli Liderin ölməz ideyalarını, onun siyasi kursunu ləyaqətlə davam etdirən Prezident İlham Əliyev uğurla Azərbaycanın inkişaf və tərəqqi siyasətini həyata keçirir. Heydər Əliyevin əsasını qoyduğu, Prezident İlham Əliyevin diplomatik uğurlarla davam etdirdiyi siyasət hazırkı qloballaşan dünyada çox mürəkkəb geosiyasi dövrdə yeganə və alternativsiz siyasət olduğu üçün Azərbaycanın gələcək inkişaf və tərəqqisinə təminat verir. Artıq uzun müddətdir ki, Cənubi Qafqaz regionunun lider dövləti olan Azərbaycan bu gün həm də dünya ölkələri arasında nüfuzlu söz sahiblərindən birinə çevrilib. Əlbəttə ki, bu nailiyyətin əsasında ulu öndər Heydər Əliyevin müəyyən etdiyi və 2003-cü ildən bəri ölkə Prezidenti İlham Əliyev tərəfindən layiqincə davam etdirilən praqmatik xarici siyasət strategiyası durur.

Ülker Piriyeva-AZERBAYCAN

]]> Ağdamda gənc partiya fəalları Heydər Əliyev Mərkəzini ziyarət ediblər https://rizegungazetesi.com/agdamda-g%c9%99nc-partiya-f%c9%99allari-heyd%c9%99r-%c9%99liyev-m%c9%99rk%c9%99zini-ziyar%c9%99t-edibl%c9%99r-h43278.html Fri, 14 Apr 2023 06:12:01 +0000 https://1453kralmedya.com/agdamda-g%c9%99nc-partiya-f%c9%99allari-heyd%c9%99r-%c9%99liyev-m%c9%99rk%c9%99zini-ziyar%c9%99t-edibl%c9%99r-h43278.html

 

 

Xəbərlər
Ağdamda gənc partiya fəalları Heydər Əliyev Mərkəzini ziyarət ediblər

2023

“Heydər Əliyev İli” ilə əlaqədar Yeni Azərbaycan Partiyasının (YAP) Mərkəzi Aparatı tərəfindən hazırlanan və İdarə Heyətinin qərarı ilə təsdiqlənən Tədbirlər Planı çərçivəsində Ulu Öndərin zəngin dövlətçilik irsinin, əbədiyaşar ideyalarının öyrənilməsi və yeni nəslə aşılanması, xalqımız və dövlətimiz qarşısında misilsiz xidmətlərinin geniş ictimaiyyətə çatdırılması məqsədilə ardıcıl tədbirlər həyata keçirilir.

 

 

 

2023-cü il aprelin 12-də YAP Ağdam rayon təşkilatı tərəfindən gənc partiya fəallarının iştirakı ilə rayon Heydər Əliyev Mərkəzinə ekskursiya təşkil olunub.

Mərkəzdə gənclərə müstəqil Azərbaycan dövlətinin memarı, ümummilli lider Heydər Əliyevin zəngin həyat yolu və müstəsna fəaliyyəti haqqında geniş məlumat verilib, gənclər eksponat, fotoşəkil və kitablarla tanış olublar.

 

 

 

kaynak:http://yap.org.az/az/view/news/73843/agdamda-genc-partiya-feallari-heyder-eliyev-merkezini-ziyaret-edibler

 

 

 

]]>