türkmən – Rize Gün Gazetesi https://rizegungazetesi.com Thu, 21 Sep 2023 08:36:14 +0000 tr hourly 1 https://rizegungazetesi.com/wp-content/uploads/2025/03/cropped-rize-gun-32x32.webp türkmən – Rize Gün Gazetesi https://rizegungazetesi.com 32 32 İsveçrədəki icmamız “Lauz’One” multikultural festivalında iştirak edib https://rizegungazetesi.com/isvecr%c9%99d%c9%99ki-icmamiz-lauzone-multikultural-festivalinda-istirak-edib-h49744.html Thu, 21 Sep 2023 08:36:14 +0000 https://1453kralmedya.com/isvecr%c9%99d%c9%99ki-icmamiz-lauzone-multikultural-festivalinda-istirak-edib-h49744.html

 

 

 

 

İsveçrədəki icmamız “Lauz’One” multikultural festivalında iştirak edib

, 2023

 

 

 

 

İsveçrədəki icmamız “Lauz’One” multikultural festivalında iştirak edib

 

 

 

 

İsveçrə Konfederasiyasının Lozanna şəhərində keçirilmiş ənənəvi “Lauz’One” multikultural festivalında Azərbaycan təmsil olunub.

 

 

 

 

Festivaldakı Azərbaycan stendi Cenevrədə fəaliyyət göstərən, Azərbaycanın zəngin mədəni irsinin təbliği ilə məşğul olan “L’Heritage” Azərbaycan Mədəniyyət Assosiasiyasının təşəbbüsü ilə yaradılıb. Maraqlı kulinariya təcrübələrinin sərgiləndiyi festivalda Serbiya, Kolumbiya, Monqolustan, Eritreya və digər ölkələrin özəl təamları ilə bir cərgədə Azərbaycanın milli yeməkləri və incə zövqlə hazırlanmış desertləri “PHS Group”un təqdimatında nümayiş olunub.

 

 

 

 

 

2011-ci ildən “L’Heritage” Azərbaycan Mədəniyyət Assosiasiyasında Azərbaycan rəqslərinin tədrisi ilə məşğul olan Azərbaycan diasporunun fəal üzvü Mariya Xan-Xoyskaya Martignolinin təqdim etdiyi “Sarı gəlin” və “Yüz biri” kompozisiyaları çoxsaylı tamaşaçı alqışları ilə qarşılanıb.

Festivalın iştirakçıları, fəxri qonaqları, diplomatik heyət və yerli sakinlər azərbaycanlıların performanslarını yüksək dəyərləndirib, mətbəx sənətinin bir mədəniyyət haqqında dolğun təəssürat yaratdığını xüsusi vurğulayıblar.

 

 

 

 

Qeyd edək ki, Lozanna festivalının əlvan rənglərinə Azərbaycanın bənzərsiz və təkrarolunmaz çalarlarını qatan “L’Heritage” Mədəniyyət Assosiasiyasının layihələrinin əhatə dairəsi getdikcə genişlənməkdədir. Azərbaycanın milli, klassik və müasir musiqisini, istedadlı imzalarını, sənətkarlarını dünyaya tanıtmaq məqsədi ilə keçirilən konsertlərin, sərgilərin təşkilində əsas hədəf – son illər diqqət mərkəzində olan Cənubi Qafqazın qüdrətli ölkəsi haqqında dürüst informasiya yaymaq, sülhsevər, tolerant, milli və dünyəvi dəyərlərə söykənən bir xalqla bağlı dolğun fikir formalaşdırmaqdır.

 

 

 

 

Assosiasiyanın təmsilçiləri eyni məqsədə köklənmiş tədbirlərin dünya və Azərbaycan arasında etibarlı körpü yaradacağına, xaricdə yaşayan azərbaycanlılar arasında birliyin möhkəmlənməsinə xidmət edəcəyinə əmindirlər.

FOTO QALEREYA

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/isvecredeki-icmamiz-lauz-039-one-multikultural-festivalinda-istirak-edib-3468

 

 

 

]]> Komitə sədri Livanda keçirilən müsabiqənin türkmən qalibləri ilə görüşüb https://rizegungazetesi.com/komit%c9%99-s%c9%99dri-livanda-keciril%c9%99n-musabiq%c9%99nin-turkm%c9%99n-qalibl%c9%99ri-il%c9%99-gorusub-h49742.html Thu, 21 Sep 2023 07:12:11 +0000 https://1453kralmedya.com/komit%c9%99-s%c9%99dri-livanda-keciril%c9%99n-musabiq%c9%99nin-turkm%c9%99n-qalibl%c9%99ri-il%c9%99-gorusub-h49742.html

 

 

 

 

 

Komitə sədri Livanda keçirilən müsabiqənin türkmən qalibləri ilə görüşüb

, 2023

Komitə sədri Livanda keçirilən müsabiqənin türkmən qalibləri ilə görüşüb

 

 

 

Diasporla İş üzrə Dövlət Komitəsinin sədri Fuad Muradov Livanın Əkkar bölgəsinin Kavaşra kənd liseyinin bir qrup müəllim-tələbə heyəti ilə görüşüb.

 

 

 

Qonaqları məmnunluqla salamlayan Komitə sədri Livanda türkmənlərin ən sıx yaşadığı Kavaşra kəndində Azərbaycana həsr olunmuş müsabiqənin keçirilməsini mühüm hadisə adlandırıb və qalibləri təbrik edib. Kavaşrada türkmənlərin durumu və diaspor fəaliyyəti ilə maraqlanan F.Muradov Azərbaycan dövlətinin türkdilli xalqlarla bağlı diaspor siyasəti, Komitənin fəaliyyət istiqamətləri və layihələri barədə ətraflı danışıb. Belə müsabiqələrin əhatə dairəsinin genişləndirilməsinin, Kavaşradakı türkmən icmasının, eləcə də gənclərin sistemli şəkildə diaspor fəaliyyətinə cəlb edilməsinin önəmini vurğulayıb.

 

 

 

Azərbaycana səfərin təşkilinə görə Komitəyə minnətdarlıqlarını bildirən qonaqlar Kavaşra məktəbində Azərbaycan dilinin tədrisində çox maraqlı olduqlarını bildiriblər.

Gələcək əməkdaşlıq perspektivlərinə dair geniş fikir mübadiləsinin aparıldığı görüş xatirə fotolarının çəkilməsi ilə yekunlaşıb.

Görüşdən öncə qonaqlar Fəxri Xiyabanı və Şəhidlər Xiyabanını ziyarət ediblər. Onlar müasir Azərbaycan dövlətinin qurucusu Heydər Əliyevin, ölkəmizin müstəqilliyi və ərazi bütövlüyü uğrunda canlarından keçmiş şəhidlərimizin əziz xatirəsini böyük ehtiramla yad ediblər.

 

 

 

 

Qeyd edək ki, Azərbaycanın Livandakı səfirliyinin təşəbbüsü ilə Kavaşra kənd liseyinin şagirdləri arasında Azərbaycan-Livan münasibətlərinə həsr olunmuş inşa müsabiqəsi keçirilib. Diasporla İş üzrə Dövlət Komitəsinin dəstəyi ilə müsabiqənin 3 qalibi 18-21 sentyabr 2023-cü il tarixində ölkəmizə dəvət olunub. Səfərdə şagirdləri məktəbin direktoru və müəllimi müşayiət edir.

 

 

 

 

 

Səfər çərçivəsində türkmən məktəblilərin ADA Universitetində, Elm və Təhsil Nazirliyində və digər qurumlarda görüşləri nəzərdə tutulub.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/komite-sedri-livanda-kecirilen-musabiqenin-turkmen-qalibleri-ile-gorusub-3469

 

 

 

 

 

]]> Toronto Universitetində Xocalı soyqırımına həsr olunmuş anım mərasimi keçirilib https://rizegungazetesi.com/toronto-universitetind%c9%99-xocali-soyqirimina-h%c9%99sr-olunmus-anim-m%c9%99rasimi-kecirilib-h41467.html Wed, 01 Mar 2023 08:27:46 +0000 https://1453kralmedya.com/toronto-universitetind%c9%99-xocali-soyqirimina-h%c9%99sr-olunmus-anim-m%c9%99rasimi-kecirilib-h41467.html

 

 

 

Toronto Universitetində Xocalı soyqırımına həsr olunmuş anım mərasimi keçirilib
, 2023
Toronto Universitetində Xocalı soyqırımına həsr olunmuş anım mərasimi keçirilib
Dünyanın nüfuzlu universitetlərindən biri olan Toronto Universitetində Xocalı soyqırımının 31-ci ildönümü ilə əlaqədar anım tədbiri keçirilib.

Diasporla İş üzrə Dövlət Komitəsinin dəstəyi və “Vətən” Azərbaycan İncəsənət və Mədəniyyət Mərkəzinin təşkilatçılığı ilə baş tutan tədbirdə dövlət və parlament rəsmiləri, Türkiyə və Ukraynanın Torontodakı Baş konsulluğunun, Albaniya və Moldovanın fəxri konsulluğunun diplomatları, elm, mədəniyyət xadimləri, vətəndaş cəmiyyətinin, Azərbaycan, türk, tatar, qazax, türkmən, özbək, uyğur, türkmən, Ukrayna, Moldova, Çin, Hindistan və digər icmaların nümayəndələri iştirak ediblər. Qonaqlar arasında Anderson Kollecinin prezidenti Hizer Yanq, Litva-Kanada Konqresinin idarə heyətinin üzvü, Qızılbaş Qlobal İrs Şurasının regional direktoru Arşi Qızılbaş, Azərbaycanın əməkdar incəsənət xadimi İsmayıl Hacıyev, Vaterloo Universitetinin eks-prezidenti, professor Ferudin Hamdullahpur, tarixçi professor İlqar Məmmədov, Təbriz musiqi və rəqs ansamblının üzvləri, Kanada Sufi Mədəniyyət Mərkəzi və Kanada Türk Assosiasiyasının rəhbərləri olub.

Azərbaycan və Kanadanın Dövlət himnlərinin səsləndirilməsi ilə başlayan tədbiri giriş sözü ilə “Vətən” Azərbaycan İncəsənət və Mədəniyyət Mərkəzinin rəhbəri Lalin Həsənova açıb. Bildirib ki, Azərbaycan həqiqətlərinin, xalqımızın haqq səsinin Kanadada eşidilməsi üçün Azərbaycan icmasının yerli ictimaiyyət və müxtəlif icmalarla birgə fəaliyyət göstərməsi böyük əhəmiyyət kəsb edir.

Azərbaycan Respublikası Diasporla İş üzrə Dövlət Komitəsinin şöbə müdiri Səlhət Abbasova çıxışında 1992-ci il fevralın 25-dən 26-na keçən gecə erməni hərbi birləşmələri tərəfindən Xocalının dinc və günahsız əhalisinə qarşı xüsusi amansızlıqla kütləvi qırğın törədildiyini, 613 dinc sakinin qətlə yetirildiyini, 8 ailənin tamamilə məhv edildiyini və 1275 sakinin girov götürüldüyünü xatırladıb. Şanlı Azərbaycan ordusunun beynəlxalq hüquqa uyğun olaraq torpaqlarımızı Ermənistanın işğalından azad etməsi nəticəsində hazırda ölkəmizin Qarabağ iqtisadi rayonunda irimiqyaslı quruculuq işlərinin aparıldığını, erməni işğalından miras qalan minalanmış ərazilərin 30 il evlərinə qayıdışı həsrətlə gözləyən məcburi köçkünlərin bu arzularının həyata keçirilməsinə böyük problemlər yaratdığını diqqətə çatdırıb. Sonra tədbir iştirakçılarını Xocalı soyqırımı qurbanlarının, son müharibələrdə ədaləti bərpa etmək, mülki əhalini qorumaq üçün canlarından keçən qəhrəman hərbçilərin, eləcə də Türkiyə və Suriyada zəlzələ nəticəsində həyatını itirən minlərlə insanın xatirəsini bir dəqiqəlik sükutla anmağa dəvət edib.

Kanadanın keçmiş Vətəndaşlıq və multikulturalizm naziri, ictimai xadim Toni Ruprext ölkə ictimaiyyətinin Xocalı soyqırımına biganə qalmamasının, məhz Kanada kimi demokratik ölkələrin ədalətin bərpa olması naminə səy göstərməsinin önəmini vurğulayıb, Azərbaycan xalqının ağır zamanları geridə buraxdığını, artıq gələcəyə və inkişafa doğru inamla irəlilədiyini əlavə edib.

Türkiyənin Torontodakı Baş konsulu Sinem Minqan “bir millət, iki dövlət” olan ölkələrimizin hər zaman bir-birinə dəstək olduğunu, Xocalı faciəsinin acılarını birgə yaşadıqlarını, xalqımızın haqq səsinin dünya ictimaiyyətinə çatdırılmasında birgə səy göstərilməsinə çalışdıqlarını bildirib.

Tədbirdə çıxış edən Vaterloo Universitetinin eks-prezidenti, professor Ferudin Hamdullahpur, Ontario vilayətinin Turizm, mədəniyyət və idman nazirinin Kanada parlamentində köməkçisi Şeref Sabavi dünyada sülhün vacib olduğunu, bəşəriyyətin inkişafının yalnız sülh və barışdan keçdiyini vurğulayıblar.

Sonra Xocalı soyqırımından bəhs edən sənədli film nümayiş olunub.

Tədbir Xocalı soyqırımına ithaf olunmuş klassik müsiqi gecəsi ilə davam edib. Kanadada yaşayan sənətçilər – Azərbaycanın əməkdar artisti, Prezident təqaüdçüsü Həsən Enami (tenor), skripka ifaçısı Rüfət Əmirəlıyev, piano ifaçısı, beynəlxalq müsabiqələr laureatı Nərminə Əfəndiyeva, violonçel ifaçısı Zaida Nassirov və trumpet (truba) ifaçısı Mark Krutik Azərbaycan və Qərb bəstəkarlarının əsərlərini təqdim ediblər.

Tədbir çərçivəsində universitetin “Hart House, Great Hall” salonunda Xocalı soyqırımını və Azərbaycanın işğaldan azad edilmiş rayonlarında erməni vandalizmini əks etdirən fotosərgi təşkil edilib. Tədbir iştirakçılarına Heydər Əliyev Fondu tərəfindən hazırlanmış Xocalı soyqırımı haqqında broşürlər, nişanlar və “Sonsuz dəhliz” filminin diskləri paylanıb.

FOTO QALEREYA

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/toronto-universitetinde-xocali-soyqirimina-hesr-olunmus-anim-merasimi-kecirilib-2486

 

 

]]>