unudulmaz – Rize Gün Gazetesi

Stanislav Yudeniç unudulmaz musiqi həftəsinə görə Bakıya minnətdarlığını bildirib

Abdullah Yiğit — Wed, 18 Oct 2023 10:54:06 +0000

2023

Stanislav Yudeniç unudulmaz musiqi həftəsinə görə Bakıya minnətdarlığını bildirib

Tanınmış ABŞ musiqiçisi Stanislav Yudeniçin bədii rəhbəri olduğu “Dünya Konsertləri Turnesi” beynəlxalq layihəsi çərçivəsində Bakı şəhərində dünya şöhrətli bəstəkar Sergey Raxmaninovun 150 illik yubileyinə həsr olunmuş silsilə konsertlər başa çatıb.

Müslüm Maqomayev adına Azərbaycan Dövlət Filarmoniyasında 10, 12 və 14 oktyabr tarixlərində baş tutan konsertlərdə piano ifaçıları Stanislav Yudeniç (ABŞ), Murad Adıgözəlzadə (Azərbaycan), David Xrikuli (Gürcüstan), Əli Məmmədov (Azərbaycan), İlya Şmukler (İsrail-Rusiya), Çi-Çi (Çin), Yanqrey Tsay (Çin), Anastasiya Vorotnaya (Rusiya), Sergey Belyavski (Rusiya) və İskəndər Məmmədəliyev (Özbəkistan) çıxış ediblər. Musiqiçiləri bədii rəhbər və baş dirijor, Azərbaycanın əməkdar artisti Fuad İbrahimovun və tanınmış dirijor Mustafa Mehmandarovun idarə etdiyi Üzeyir Hacıbəyov adına Azərbaycan Dövlət Simfonik Orkestri müşayiət edib.

Konsertlər başa çatdıqdan sonra Stanislav Yudeniç qonaqpərvərliyə və unudulmaz musiqi həftəsinə görə təşkilatçılara, dəstəyə görə Diasporla İş üzrə Dövlət Komitəsinə dərin minnətdarlığını bildirib. “Musiqi dünyasına verdiyiniz töhfələr və mədəni mübadilənin inkişafı istiqamətində yorulmaz səyləriniz həqiqətən təqdirəlayiqdir”, – deyə Stanislav Yudeniç bildirib.

Qeyd edək ki, Florida ştatında fəaliyyət göstərən Azərbaycan-Amerika Mədəniyyət Assosiasiyasının mədəniyyət məsələləri üzrə direktoru, “Florida Keys” layihəsinin rəhbəri Pərvin Muradovun təşəbbüsü ilə bu layihə ilk dəfə Müslüm Maqomayev adına Azərbaycan Dövlət Filarmoniyasında təqdim edilib.

Layihənin Bakıda təşkilinə Diasporla İş üzrə Dövlət Komitəsi tərəfindən dəstək göstərilib.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/stanislav-yudenic-unudulmaz-musiqi-heftesine-gore-bakiya-minnetdarligini-bildirib-3686

Yaponiyada yaşayan pianoçumuz Heydər Əliyevlə bağlı unudulmaz xatirələrini bölüşüb

Abdullah Yiğit — Mon, 27 Mar 2023 21:22:25 +0000

Yaponiyada yaşayan pianoçumuz Heydər Əliyevlə bağlı unudulmaz xatirələrini bölüşüb
27 mart, 2023

Yaponiyada yaşayan pianoçumuz Heydər Əliyevlə bağlı unudulmaz xatirələrini bölüşüb

Yaponiyada yaşayan azərbaycanlı pianoçu Gülnarə Səfərova müasir Azərbaycan dövlətinin qurucusu, görkəmli dövlət xadimi Heydər Əliyevlə bağlı xatirələrini bölüşüb.

Tanınmış musiqiçi bildirib ki, 1995-ci ilin martında Türkmənistanda keçirilmiş beynəlxalq müsabiqədə müstəqil Azərbaycan dövlətini pianoçu kimi təmsil edib. Mötəbər musiqi yarışında 3-cü yeri tutaraq Beynəlxalq müsabiqənin laureatı kimi doğma Bakıya qayıtdıqdan sonra isə daha bir qürurverici hadisə ilə qarşılaşıb. 1995-ci il 8 aprel tarixində Azərbaycan Prezidenti Heydər Əliyevin beynəlxalq müsabiqələrin qalibləri ilə Üzeyir Hacıbəyov adına Bakı Musiqi Akademiyasında görüşü keçirilib.

Həmin görüşdə çıxış edən Heydər Əliyev qalibləri təbrik edib? “Öncə mən bizim gənc istedadları təbrik edirəm. Çox sevindirici haldır ki, Azərbaycanın böyük tarixə malik olan incəsənəti, musiqi sənəti hər il yeni istedadlar yetişdirir. Bu, xalqımızın mədəniyyətinin, incəsənətinin zənginliyini nümayiş etdirir. Eyni zamanda xalqımızın içində böyük, fitri istedadlı insanların daim olmasını, yaşamasını göstərir. XX əsrdə mədəniyyətimiz yeni bir inkişaf mərhələsi keçibdir. Xüsusən incəsənətimizin böyük bir sahəsi olan musiqidə professional musiqi yaranıbdır. Bu sahədə də, şübhəsiz ki, dünya miqyasında yüksək zirvələrə çatmış professional musiqi nümunələrindən istifadə edən, eyni zamanda fitri istedada malik olan şəxsiyyətlərimiz tərəfindən böyük bir məktəb yaradılmışdır. Əsasını mərhum Üzeyir Hacıbəyovun qoyduğu böyük bir məktəb. Bu məktəb əsrin əvvəlində yaranıb. İndi, XX əsrin axırlarında biz bu məktəbin nə qədər böyük yol keçdiyini, eyni zamanda xalqımız üçün nə qədər faydalı olduğunu, onun hörmətini, şərəfini nə qədər yüksəklərə qaldırdığını və xalqımızın ümumi mədəniyyətinə necə böyük təsir etdiyini görürük və bunun şahidiyik”.

Gülnarə Səfərova qeyd edib ki, görüş zamanı Heydər Əliyevin səsləndirdiyi fikirlər xalqımızın ümummilli liderinin Azərbaycan mədəniyyət və incəsənət xadimlərinə bəslədiyi yüksək və həssas münasibətin təzahürü olub.

Gülnarə Sadıqova xatırladıb ki, görüş zamanı fortepianoda klassik əsər ifa edib: “Məni təbrik edən zaman Prezident ifa etdiyim əsər haqqında da mənimlə danışdı. Musiqiçi olmadığına baxmayaraq onun klassik janrda yaradılan əsərin incəliyini duymağı məni həqiqətən də heyran etdi. Məndən harada çalışdığımı da soruşdu. Bakı Musiqi Akademiyasında gənc müəllim kimi çalışdığımı biləndə mənə pedaqoji fəaliyyətimdə də uğurlar arzuladı. Dedi ki Azərbaycanın musiqi təhsilində yeni metodikanın yaradılması ilə Azərbaycanın adının dünyaya daha geniş yayılmasını arzu edir. Artıq o görüşdən 25 ilə yaxın müddət keçib. Amma həmin günlə bağlı xatirələri indiyədək unutmamışam. Hazırda Vətənimdən uzaqda olsam da, Azərbaycanı uzaq Yaponiyada layiqincə təmsil etməyə çalişiram və ulu öndərimiz Heydər Əliyevin söylədiyi tövsiyələri peşəkar musiqi fəaliyyətimdə gerçəkləşdirməyə çalışıram”.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/yaponiyada-yasayan-pianocumuz-heyder-eliyevle-bagli-unudulmaz-xatirelerini-bolusub-2684