26 Mayıs 2023
1 dakika okuma süresi

Çikaqo meri Azərbaycanın Müstəqillik Günü münasibətilə bəyannamə yayıb

 

 

 

Çikaqo meri Azərbaycanın Müstəqillik Günü münasibətilə bəyannamə yayıb

2023
ABŞ-ın Çikaqo şəhərinin meri Brendon Conson 28 May – Azərbaycanın Müstəqillik Günü münasibətilə bəyannamə imzalayıb.

Çikaqo meri Azərbaycanın Müstəqillik Günü münasibətilə bəyannamə yayıb
Bəyannamədə bildirilib ki, yarandığı gündən Çikaqo şəhəri dünyanın hər yerindən gələn, müxtəlif mədəni irsi ilə öyünən fərqli, parlaq insanların icmalarına ev sahibliyi edir.

Çikaqonun incəsənət və musiqi, biznes və maliyyə, hüquq və hökumət, təhsil və sosial xidmətlər, elm və tibb sahələrində şəhəri dəstəkləyən qürurlu və enerjili Azərbaycan-Amerika icmasının da evi olduğu vurğulanıb.

Nəzərə çatdırılıb ki, Amerikanın Orta Qərb Ştatları üzrə Azərbaycan Mərkəzi (ACMA) Çikaqo və Azərbaycan arasında mədəniyyətlərarası anlaşmanı təşviq etmək üçün çalışır.

Çikaqoluların tarixi məhəllələri gücləndirmək, eyni zamanda şəhəri və cəmiyyəti hamı üçün yaxşılaşdırmaq üçün çalışdığını vurğulayan mer xatırladıb ki, 28 May 1918-ci il tarixi Azərbaycan əsilli amerikalılar üçün böyük əhəmiyyət kəsb edən gündür. Çünki həmin tarixdə Azərbaycan Xalq Cümhuriyyəti (AXC) elan edilib.

 

 

 

 

Mer 28 May 2023-cü il tarixini “Azərbaycan Respublikasının Günü” elan edərək, şəhər sakinlərini Çikaqonun mədəni müxtəlifliyinə töhfələr verən Azərbaycan icmasının bayramına qoşulmağa dəvət edib.

Qeys edək ki, bundan öncə Amerika Azərbaycanlıları Koordinasiya Şurasının üzv-təşkilatı olan ACMA-nın təşəbbüsü əsasında İllinoys ştatının meri qubernatoru Cey Robert Pritsker Azərbaycanın Müstəqillik Günü münasibətilə bəyannamə imzalayıb və Çikaqonun mərkəzində Azərbaycan bayrağı qaldırılıb.

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/cikaqo-meri-azerbaycanin-musteqillik-gunu-munasibetile-beyanname-ile-cixis-edib-2995

 

 

Etiketler
26 Mayıs 2023
1 dakika okuma süresi
Başa dön tuşu