11 Mayıs 2023
1 dakika okuma süresi

İcmamız Heydər Əliyevin Serbiya paytaxtındakı heykəlini ziyarət edib

 

 

 

Ana səhifə
/
HEYDƏR ƏLİYEV – 100
/
İcmamız Heydər Əliyevin Serbiya paytaxtındakı heykəlini ziyarət edib

, 2023

İcmamız Heydər Əliyevin Serbiya paytaxtındakı heykəlini ziyarət edib

Belqrad şəhərində yaşayan soydaşlarımız müasir Azərbaycan dövlətinin qurucusu, görkəmli siyasi və dövlət xadimi Heydər Əliyevin anadan olmasının 100 illiyi münasibətilə dahi şəxsiyyətin Taşmaydan parkındakı heykəlini ziyarət ediblər.

Tədbirdə Azərbaycanın Serbiyadakı səfirliyinin əməkdaşları, Azərbaycan icmasının fəalları və bu ölkədə təhsil alan gənclərimiz iştirak ediblər.

Öncə dahi şəxsiyyətin heykəli önünə əklil qoyulub, gül dəstələri düzülüb və onun əziz xatirəsi ehtiramla yad edilib.

Tədbirdə çıxış edən Azərbaycanın Serbiyadalı səfiri Kamil Xasiyev ulu öndərin Azərbaycan dövlətinin müstəqilliyinin möhkəmləndirilməsi, daxili və xarici siyasətin bir-birini tamamlaması, ölkəmizin beynəlxalq aləmdə təcrid vəziyyətindən çıxarılması, xalqımızın haqq işini dünya ictimaiyyətinə olduğu kimi çatdırılması, güclü ordunun yaradılması istiqamətində əvəzsiz xidmətlər göstərdiyini xatırladıb. Qədirbilən xalqımızın Heydər Əliyevin misilsiz siyasi irsi ilə qürur duyduğu, onun əziz xatirəsini heç bir zaman unutmayacağını bildirib.

 

 

 

 

Sonra tədbir iştirakçıları həmin parkda görkəmli serb yazıçısı Milorad Paviçin heykəlini və 1999-cu ildə Belqrad şəhərinin bombalanması zamanı parkda həlak olmuş uşaqların xatirəsinə ucaldılmış “Biz, sadəcə, uşaqlar idik” abidəsini ziyarət edib, hər iki abidənin önünə gül dəstələri qoyublar.

FOTO QALEREYA

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/icmamiz-heyder-eliyevin-serbiya-paytaxtindaki-heykelini-ziyaret-edib-2927

 

 

Etiketler
11 Mayıs 2023
1 dakika okuma süresi
Başa dön tuşu