5 Mayıs 2023
2 dakika okuma süresi

Komitə sədri Kazandakı diasporumuzla görüşüb və Tatarıstan Xalqlar Dostluğu Evini ziyarət edib

 

 

 

Komitə sədri Kazandakı diasporumuzla görüşüb və Tatarıstan Xalqlar Dostluğu Evini ziyarət edib

 

, 2023
Komitə sədri Kazandakı diasporumuzla görüşüb və Tatarıstan Xalqlar Dostluğu Evini ziyarət edib

Tatarıstanda səfərdə olan Diasporla İş üzrə Dövlət Komitəsinin sədri Fuad Muradov Kazan, Almetyevsk, Buqulma və Buinsk şəhərlərindəki Azərbaycan milli-mədəni muxtariyyətlərinin rəhbərləri və fəalları ilə görüşüb.

Soydaşlarımızı salamlayan sədr Prezident İlham Əliyevin tapşırıqları əsasında həyata keçirilən diaspor quruculuğu, Komitənin çoxşaxəli fəaliyyət istiqamətləri, xarici ölkələrdə artıq 20 Azərbaycan Evinin, 15 Koordinasiya Şurasının fəaliyyət göstərdiyi, “Qarabağ”, “Nizami Gəncəvi” və sair adlar altında təşkil olunmuş Azərbaycan həftəsonu məktəbləri, “Heydər Əliyev İli” çərçivəsində bu il Naxçıvanda keçiriləcək Diaspor Gənclərinin IV Yay Düşərgəsi barədə ətraflı danışıb. Tatarıstandakı icmamızın yerli cəmiyyətə sıx inteqrasiyasını yüksək qiymətləndirib və bu istiqamətdə tövsiyələrini səsləndirib.

 

 

 

 

Tədbirdə iştirak edən Azərbaycan Respublikası Dövlət Turizm Agentliyinin sədri Fuad Nağiev ölkəmizin turizm imkanlarından söz açıb və diasporumuzu bu istiqamətdə fəallıq göstərməyə dəvət edib.

Azərbaycan milli-mədəni muxtariyyətinin rəhbəri Bəhram Mustafayev Tatarıstandakı diasporumuzun mövcud vəziyyəti, həyata keçirdiyi layihələr, gələcək planları, Xalqlar Dostluğu Evinin nəzdində fəaliyyət göstərən Azərbaycan həftəsonu məktəbi barədə ətraflı məlumat verib.

Görüş fikir mübadiləsinin aparılması və sualların cavablandırılması ilə yekunlaşıb.

Sonra qonaqlar Tatarıstan Xalqlar Dostluğu Evini və Tatarıstan Respublikasının Milli Kitabxanasını ziyarət ediblər. Dostluq Evinin direktoru İrek Şaripov Tatarıstan Xalqlar Assambleyasının və rəhbərlik etdiyi qurumun fəaliyyəti barədə qonaqlara məlumat verib. Azərbaycan diasporunun Tatarıstanın milli-mədəni müxtəlifliyinə, ictimai-siyasi və humanitar sahələrə verdiyi töhfələrlə yerli ictimaiyyət arasında böyük nüfuz qazandığını bildirib.

Komitə sədri Azərbaycan dövlətinin diaspor siyasətini, dövlət başçımızın göstərişləri və tövsiyələri əsasında diaspor quruculuğu istiqamətində atılmış addımları, soydaşlarımızın birlik və həmrəyliyinə nail olmaq üçün həyata keçirilən layihələri nəzərə çatdırıb. Kazandakı diasporumuzun Tatarıstan Xalqlar Assambleyası və Dostluq Evi ilə qarşılıqlı əməkdaşlığından məmnunluğunu ifadə edib.

 

 

 

 

Dostluq Evində yaradılmış Azərbaycan güşəsinə baxış keçirilib, rəqs dərnəyi üzvlərinin məşqi izlənilib.

Komitə adından Tatarıstan Xalqlar Dostluğu Evinə xalqımızın milli-mədəni dəyərlərini əks etdirən xatirə hədiyyələri təqdim olunub.

Milli Kitabxana ilə tanışlıq zamanı isə bildirilib ki, bu mədəniyyət müəssisəsində Azərbaycanla bağlı 2 min kitab saxlanılır. Qeyd edilib ki, Tatarıstandakı diasporumuz tərəfindən kitabxanaya Azərbaycan həqiqətlərini, tarixini və mədəniyyətini əks etdirən nəşrlər hədiyyə olunub.

Qeyd edək ki, Kazanda Tatarıstan-Azərbaycan ticarət-iqtisadi, elmi-texniki və mədəni əməkdaşlıq üzrə Hökumətlərarası Komissiyasının 3-cü iclası keçirilib.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/komite-sedri-kazandaki-diasporumuzla-gorusub-ve-tataristan-xalqlar-dostlugu-evini-ziyaret-edib-2866

 

 

Etiketler
5 Mayıs 2023
2 dakika okuma süresi
Başa dön tuşu